اقمولا وبلىسىنىڭ 8 اۋدانى سۋ تاسقىنى شەگىنەن ءوتتى
استانا. KAZINFORM - اقمولا وبلىسى ت ج د باستىعىنىڭ ورىنباسارى اسەت جاقسىلىقوۆ وڭىردەگى احۋالدى باياندادى.
سپيكەردىڭ ايتۋىنشا، اتباسار، استراحان اۋداندارىندا جاباي، كولۋتون، باقسىق وزەندەرىندەگى سۋ دەڭگەيى تۇراقتالىپ، قاتەرلى كورسەتكىشتەردەن تومەندەدى. قازىر ەش قاۋىپ جوق.
«جارقايىڭ، ەسىل اۋداندارىنىڭ ەسىل وزەنىندە سۋ دەڭگەيىنىڭ اۋىتقۋى بايقالادى، بۇل رەتتە قاۋىپ از. قازىرگى ۋاقىتتا جەرگىلىكتى اتقارۋشى ورگاندار، سونداي- اق اقمولا وبلىسىنىڭ ت ج دەپارتامەنتى ەرىگەن قار سۋىن سورۋ جانە بۇرۋ، وزەندەر دەڭگەيىن مونيتورينگتەۋ جۇمىستارىن جۇرگىزۋدە»، - دەدى سپيكەر رەسپۋبليكالىق اقپاراتتىق شتابتا وتكەن بريفينگىدە.
قابىلدانعان شارالار ناتيجەسىندە 8 اۋدان سۋ تاسقىنى شەگىنەن ءوتتى جانە جاعداي تۇراقتالدى.
«اگلومەراتسيا ايماعىندا سۋ تاسقىنى قاۋپى تومەندەدى. ەۆاكۋاتسيالانعان ادامداردىڭ 1928 ءى ءوز ۇيلەرىنە ورالدى. ءبىلىم-بەرۋ جانە الەۋمەتتىك نىساندار قالىپتى رەجيمدە جۇمىس ىستەپ تۇر»، - دەدى ءا. جاقسىلىقوۆ.
