14:52, 08 - قاڭتار 2024 | GMT +6
اقمولا وبلىسىندا رەسپۋبليكالىق كۇرەجولدىڭ 5 ۋچاسكەسى جابىلدى
اۋا رايىنىڭ قولايسىزدىعىنا بايلانىستى اقمولا وبلىسىنداعى رەسپۋبليكالىق ماڭىزى بار كۇرەجولدىڭ 5 ۋچاسكەسىندە اۆتوكولىكتىڭ بارلىق ءتۇرى ءۇشىن قوزعالىسقا شەكتەۋ ەنگىزىلدى، دەپ حابارلايدى Kazinform «قازاۆتوجول» كومپانياسىنا سىلتەمە جاساپ.
«اۋا رايىنىڭ قولايسىزدىعىن ەسكەرىپ، اۆتوجولدارىمەن ءجۇرۋ باعىتىن الدىن الا جوسپارلاۋلارىڭىزدى سۇرايمىز»، - دەلىنگەن حابارلامادا.
بۇعان دەيىن 5 وبلىستاعى رەسپۋبليكالىق جولداردا كولىك قوزعالىسىنا شەكتەۋ ەنگىزىلگەنىن جازعان بولاتىنبىز.
