22:26, 29 - جەلتوقسان 2023 | GMT +5
اقمولا وبلىسىندا جول تالعامايتىن كولىك مۇز استىنا ءتۇسىپ كەتتى
ەرەيمەنتاۋ اۋدانىنىڭ قورجىنكول كولىندە بالىقشىلاردىڭ كولىگى جارتىلاي مۇز استىنا ءتۇسىپ كەتتى، دەپ حابارلايدى Kazinform اقمولا وبلىسى ت ج د باسپا ءسوز قىزمەتىنە سىلتەمە جاساپ.
قۇتقارۋشىلار دەرەۋ وقيعا بولعان جەرگە بارىپ، ارنايى قۇتقارۋ تەحنيكاسىنىڭ كومەگىمەن كولىكتى شىعارىپ الدى. جاراقات العاندار مەن زارداپ شەككەندەر جوق.
اقمولا وبلىسىنىڭ ت ج د وبلىس تۇرعىندارى مەن قوناقتارىن مۇزعا شىقپاۋعا شاقىرادى.
