اقمولا وبلىسىندا جاس بالانىڭ مۇردەسى تابىلدى: پوليتسيا ءىس قوزعادى
كوكشەتاۋ. KAZINFORM - اقمولا وبلىسىندا جاس بالانىڭ ولىمىنە بايلانىستى پوليتسيا ءىس قوزعاپ، تەرگەۋ امالدارىن باستادى.
اقمولا وبلىسى پ د باسپا ءسوز قىزمەتىنىڭ مالىمەتىنشە، قازىرگى كەزدە كۇدىكتى ۇستالىپ، تەرگەۋ شارالارى جۇرگىزىلىپ جاتىر.
«پوليتسيا دەپارتامەنتى جاس بالانىڭ ولىمىنە بايلانىستى قىلمىستىق كودەكستىڭ 99-بابى 3-بولىگى (كىسى ءولتىرۋ) بويىنشا سوتقا دەيىنگى تەرگەۋ باستالعانىن حابارلايدى. قازىرگى ۋاقىتتا قاجەتتى تەرگەۋ امالدارى جانە باسقا دا پروتسەسسۋالدىق شارالارى جۇرگىزىلىپ جاتىر. بالانىڭ ولىمىنە كۇدىكتى ۇستالىپ، ۋاقىتشا ۇستاۋ وقشاۋلاعىشىنا قامالدى. قىلمىستىق پروتسەسسۋالدىق كودەكستىڭ 201-بابىنا سايكەس وزگە اقپارات جاريا ەتىلمەيدى»، - دەپ ءتۇسىندىردى Kazinform ءتىلشىسىنىڭ ساۋالىنا پ د باسپا ءسوز قىزمەتىنەن.
وسى رەتتە، الەۋمەتتىك جەلىدە بالانىڭ 2020 -جىلى قايتىس بولعانى جانە جاسى شاماسى 2 دە ەكەنى، سونداي- اق، 65 جاستاعى اجەسىنىڭ نەمەرەسىن باۋ-باقشاعا جەرلەگەنى ايتىلادى.
