اقمولا وبلىسىندا بوراندى كۇندە جولدا قالعان جولاۋشىلار پويىزبەن تاسىمالداناتىن بولدى

Пойыз
Фото: ҚТЖ

بوراندى كۇندە جولدا قالعان ادامدار پويىزبەن تاسىمالدانادى، دەپ حابارلايدى kazinform «جولاۋشىلار تاسىمالى» ا ق باسپا ءسوز قىزمەتىنە سىلتەمە جاساپ.

«كۇننىڭ كۇرت بۇزىلۋىنا بايلانىستى اقمولا وبلىسىنىڭ تاس جولىندا كولىك قۇرالدارىنىڭ بارلىق تۇرلەرى ءۇشىن قوزعالىسقا تىيىم سالىندى. وسىعان بايلانىستى، «جولاۋشىلار تاسىمالى» ا ق- سى جولدا قالعان ازاماتتاردى پويىزبەن تاسىمالداۋ تۋرالى شەشىم قابىلدادى. ماسەلەن، قاراعاندىدان ەلورداعا 43№ «الماتى-قوستاناي»، 53№ «دوستىق-استانا»، 121№ «سەمەي-استانا» جانە 45№ «تۇركىستان-استانا» باعىتىنداعى پويىزبەن كەتۋگە بولادى»، - دەلىنگەن حابارلامادا.

اقپاراتتا ايتىلعانداي، اقمولا وبلىسى ەرەيمەنتاۋ اۋدانىنان ەلورداعا دەيىن 7501№ «پاۆلودار-استانا» قالا ماڭى ەلەكتر پويىزىنا جولاۋشىلاردى وتىرعىزۋ قامتاماسىز ەتىلەدى.

«جولاۋشىلارعا قاجەتتى كومەك كورسەتىلۋدە. سونداي-اق پويىز بيلەتتەرىن bilet.railways.kz سايتىنان جانە كاسسالاردان ساتىپ الۋعا بولادى. پويىزداردىڭ قوزعالىس كەستەسى مەن باسقا دا اقپاراتتى «1433» (تەگىن قوڭىراۋ شالۋ) ءنومىرى، «KTZH_PP_BOT» تەلەگرامم بوتى، سونداي-اق «جولاۋشىلار تاسىمالى» ا ق- نىڭ @jolaushylar_tasymaly رەسمي Instagram-اككاۋنتى ارقىلى الۋعا بولادى»، - دەيدى ۆەدومستۆودان.

سوڭعى جاڭالىقتار