20:57, 03 - قاڭتار 2024 | GMT +5
اقمولا وبلىسىندا بوراندا اداسىپ قالعان ەكى جىلقىشى تۇرگەن اۋىلى ماڭىنان تابىلدى
ارشالى اۋدانىندا بوراندا اداسىپ كەتكەن ەكى جىلقىشى امان تابىلدى، دەپ حابارلايدى Kazinform.
اقمولا وبلىسى ت ج د باسپا ءسوز قىزمەتىنىڭ مالىمەتىنشە، 57 جانە 54 جاستاعى ەكى ەر ادام تۇرگەن اۋىلى ماڭىندا جوعالعان. ولاردى ارشالى اۋدانىنىڭ جەرگىلىكتى اتقارۋشى ورگاندارى مەن ازاماتتىق قورعاۋ ورگاندارىنىڭ قىزمەتكەرلەرى بىرلەسىپ، «ترەكول» اۆتوكولىگىمەن ىزدەگەن.
«ارادا ءبىر جارىم ساعات وتكەن سوڭ جىلقىشى تۇرگەن اۋىلىنان 15 ك م قاشىقتىقتان تابىلىپ، ۇيلەرىنە جەتكىزىلدى. ولار مەديتسينالىق كومەكتى قاجەت ەتپەدى»، - دەدى ۆەدومستۆودان.
ايتا كەتسەك، بۇدان بۇرىن اقمولا وبلىسىندا جوعالعان ءبىر ءۇيىر جىلقى تابىلعانىن جازعان ەدىك.
