07:56, 27 - جەلتوقسان 2023 | GMT +5
اقمولا وبلىسىندا باستى شىرشانىڭ شامدارىن جاعۋ ءراسىمى وتپەي قالدى
كۇن رايىنىڭ ناشارلاۋىنا بايلانىستى كوكشەتاۋدىڭ ابىلاي حان الاڭىندا ورناتىلعان جاڭا جىلدىڭ باستى شىرشاسىنىڭ شامدارىن جاعۋ ءراسىمى كەيىنگە قالدىرىلدى، دەپ حابارلايدى Kazinform.
26-جەلتوقساندا كوكشەتاۋ قالاسى اۋماعىندا جىلدامدىعى 15 م/س ەكپىندە جەل تۇردى. سالدارىنان جاڭاجىلدىق باستى شىرشا زاقىمدالدى. سول سەبەپتى، 26-جەلتوقسان، ساعات 19.00-گە جوسپارلانعان شىرشا شامىن سالتاناتتى تۇردە جاعۋ ءراسىمى كەيىنگە شەگەرىلدى.
«قوسىمشا اقپاراتتى كەيىن حابارلايتىن بولامىز»، - دەپ ءتۇسىندىردى كوكشەتاۋ قالاسى اكىمدىگىنىڭ باسپا ءسوز قىزمەتىنەن.
بيىل كوكشەتاۋدا جاڭا جىلدى مەرەكەلەۋگە 45 ميلليون تەڭگە جۇمسالاتىنىن بۇعان دەيىن جازعان بولاتىنبىز.
