اقمولا وبلىسىندا 25 توننا ءبيداي ۇرلاعاندار ۇستالدى

اقمولا وبلىستىق پوليتسيا دەپارتامەنتى قىزمەتكەرلەرى 25 توننا ءبيداي ۇرلىعىنىڭ جولىن كەستى، دەپ حابارلايدى قازاقپارات Polisia.kz-كە سىلتەمە جاساپ.

полиция
Фото: Фото: Polisia.kz

ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرىنە جۇمىس بارىسىندا بۇلاندى اۋدانىنىڭ اۋماعىندا ۇلكەن كولەمدە استىق ۇرلانىپ جاتقانى تۋرالى اقپارات كەلىپ تۇسكەن. جەدەل ۋاكىلدەر بىردەن اينالما جانە دالالىق جولداردى پىسىقتاپ، اۋىل شارۋاشىلىعى ونىمدەرىن تاسىمالدايتىن جۇرگىزۋشىلەردەن ىلەسپە قۇجاتتاردى تەكسەرۋدەن باستادى.

ناتيجەسىندە پوليتسەيلەر ءتيىستى قۇجاتتارسىز 25 توننا ءبيداي تاسىمالداعان كاماز اۆتوكولىگىن توقتاتتى. اۆتوكولىكتى تەكسەرۋ بارىسىندا قۇقىق قورعاۋ ورگاندارى 49 جاستاعى جۇرگىزۋشىدەن تىركەلمەگەن تراۆماتيكالىق قارۋدى انىقتادى.

بارلىق ءمان-جايلاردى انىقتاۋ بارىسىندا جۇك كولىگى بار جۇرگىزۋشىنى جەرگىلىكتى ج ش س- ءنىڭ ءبىرىنىڭ 36 جاستاعى اگرونومى جالداعانى بەلگىلى بولدى، ونى كەيىنىرەك پوليتسيا قىزمەتكەرلەرى انىقتادى. ال ج ش س ديرەكتورى كاسىپورىندا نە بولىپ جاتقانىن، ۇرلىق جاسالعانىن بىلمەگەن.

اتالعان فاكتىلەرگە قاتىستى پوليتسەيلەر ق ر ق ك- ءنىڭ 188-بابى (ۇرلىق) بويىنشا سوتقا دەيىنگى ءىس جۇرگىزۋدى باستادى. سونداي-اق قارۋدى الىپ ءجۇرۋ فاكتىسىنە قاتىستى ق ر ق ك- ءنىڭ 287-بابى (قارۋدى، وق-دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) بويىنشا قىلمىستىق ءىس باستالدى.

ايتا كەتۋ كەرەك، اقمولا وبلىسىنىڭ پوليتسياسىندا ەگىن جيناۋ ناۋقانىنا بايلانىستى ءاربىر قىلمىس ەرەكشە باقىلاۋدا.

سوڭعى جاڭالىقتار