اقجايىق مەملەكەتتىك تابيعي رەزەرۆاتىندا اققۇيرىقتى سۋبۇركىت ۆيدەوعا ءتۇسىپ قالدى

ق ر ەكولوگيا جانە تابيعي رەسۋرستار مينيسترلىگى باسپا ءسوز قىزمەتىنىڭ حابارلاۋىنشا، اقجايىق مەملەكەتتىك تابيعي رەزەرۆاتىندا مەملەكەتتىك ينسپەكتور كەزەكتى تۋريستەردى قابىلداۋ كەزىندە اسپاندا ەركىن قالىقتاعان اققۇيرىقتى سۋبۇركىتتى ۆيدەوعا ءتۇسىرىپ الدى.

قاناتىن كەڭ جايىپ، كوك جۇزىندە قالىقتاعان قۇستىڭ كورىنىسى سول ساتتە رەزەرۆاتقا كەلگەن قوناقتارعا دا ەرەكشە اسەر سىيلادى. تابيعاتتى تاماشالاۋدىڭ ەڭ ادەمى تۇسى دا وسىندا - الدىڭنان نە كەزدەسەتىنىن ەشقاشان بىلمەيسىڭ.

- وسىنداي ساتتەر تابيعاتتى نە ءۇشىن قورعايتىنىمىزدى ءۇنسىز-اق ەسكە سالادى. اسپاندا قۇس ەركىن قالىقتاپ، تابيعات ءوز قالپىندا تىرشىلىك ەتە الۋى ءۇشىن. ءبىر ساتتىك كەزدەسۋ. ەستە ۇزاق قالاتىن كورىنىس، - دەلىنگەن حابارلامادا.

وسىعان دەيىن جوڭعار الاتاۋىندا تاۋتەكەلەر فوتوتۇزاققا ءتۇسىپ قالعان بولاتىن.