اقشا جىمقىرۋ، پارا الۋ: كارىم ءماسىموۆتىڭ بۇرىنعى ورىنباسارى تاعى تەرگەلىپ جاتىر
استانا. KAZINFORM - ۇلتتىق قاۋىپسىزدىك كوميتەتىنىڭ ەكس-باسشىسى كارىم ءماسىموۆتىڭ بۇرىنعى ورىنباسارى داۋلەت ەرعوجين قىلمىستىق كودەكستىڭ ەكى بابى بويىنشا كۇدىككە ءىلىنىپ، تەرگەۋ ءجۇرىپ جاتىر. بۇل تۋرالى ۇلتتىق قاۋىپسىزدىك كوميتەتى حابارلادى.
استانا. KAZINFORM - ۇلتتىق قاۋىپسىزدىك كوميتەتىنىڭ ەكس-باسشىسى كارىم ءماسىموۆتىڭ بۇرىنعى ورىنباسارى داۋلەت ەرعوجين قىلمىستىق كودەكستىڭ ەكى بابى بويىنشا كۇدىككە ءىلىنىپ، تەرگەۋ ءجۇرىپ جاتىر. بۇل تۋرالى ۇلتتىق قاۋىپسىزدىك كوميتەتى حابارلادى.
«د. ەرعوجينگە قاتىستى تەرگەۋ قىلمىستىق كودەكستىڭ «قىلمىستىق جولمەن الىنعان اقشا مەن وزگە دە مۇلىكتى زاڭداستىرۋ (جىمقىرۋ)» 218-بابىنىڭ 3-تارماعىنىڭ 3) تارماقشاسىندا جانە «اسا ءىرى مولشەردە پارا الۋ» 366-بابىنىڭ 4.4-بولىگىندە كوزدەلگەن قۇقىق بۇزۋشىلىق بەلگىلەرى بويىنشا جالعاسىپ جاتقانىن حابارلايمىز»، - دەلىنگەن رەداكسيا جولداعان ساۋال جاۋابىندا.
سونداي-اق، ۇ ق ك قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس سوتقا دەيىنگى تەرگەپ-تەكسەرۋدىڭ ەگجەي-تەگجەيى جاريا ەتىلمەيتىنىن جەتكىزدى.
بۇعان دەيىن ب ا ق بەتتەرىندە داۋلەت ەرعوجيننىڭ «GitHub» قىتايلىق سەرۆيستەرىنە قازاقستاندىقتاردىڭ جەكە دەرەكتەرىنىڭ تارالۋىنا بايلانىستى ءىس بويىنشا كۇدىككە ىلىككەنى تۋرالى اقپارات تاراعان ەدى.
ەسكە سالا كەتەيىك، 2023 -جىلعى 24-ساۋىردە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا كارىم ءماسىموۆ پەن ونىڭ بۇرىنعى ورىنباسارلارىنا قاتىستى ۇكىم شىقتى.
داۋلەت ەرعوجين بيلىكتى كۇشپەن باسىپ العانى، بيلىك پەن لاۋازىمدىق وكىلەتتىكتەردى اسىرا پايدالانعانى ءۇشىن كىنالى دەپ تانىلدى. وعان مەملەكەتتىك قىزمەتتە قىزمەت ەتۋ قۇقىعىنان ءومىر بويىنا ايىرا وتىرىپ، 15 جىل باس بوستاندىعىنان ايىرۋ جازاسى تاعايىندالدى.
اۆتور
داۋلەت ىزتىلەۋ
