اقشا ايىرباستاۋ ورىندارىندا دوللار قانشا تەڭگەدەن ساۋدالانىپ جاتىر

الماتى. KAZINFORM - استانا مەن الماتى قالالارىنداعى اقشا ايىرباستاۋ پۋنكتتەرىندە دوللار 489 - 492 تەڭگە ارالىعىندا ساۋدالانىپ جاتىر.

ۇلتتىق بانكتىڭ 5-قاراشاعا ارنالعان رەسمي باعامى - 1 دوللارعا 489,36 تەڭگە. رەسەي رۋبلىنىڭ ورتاشا سارالانعان قۇنى - 4,99 تەڭگە. ەۋرو - 533,45.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 488,9 تەڭگەدەن ساتىلىپ جاتىر، ساتىپ الۋ باعامى - 490,7 تەڭگە. ەۋرو 531,5 - 536 تەڭگە ارالىعىندا قۇبىلىپ تۇر.

ال، استانا قالاسى بويىنشا دوللاردى ساتۋ باعامى - 489 تەڭگە، ساتىپ الۋ قۇنى - 492 تەڭگە. ەۋرو 529 تەڭگەدەن ساتىلىپ، 532 تەڭگەدەن ساتىپ الىنادى.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 4,95 - 5,05 ارالىعىندا ساۋدالانىپ جاتىر.

ايتا كەتەيىك، 4-قاراشا كەشكى ساۋدا قورىتىندىسى بويىنشا، دوللاردىڭ ورتاشا باعامى 0,88 تەڭگەگە قىمباتتاپ، 489,15 تەڭگە بولعان.

وسىعان دەيىن ۇلتتىق بانك ءتوراعاسى تيمۋر سۇلەيمەنوۆ دوللار كۋرسىنا قاتىستى پىكىر بىلدىرگەن ەدى.

سونداي-اق قارجى ساراپشىسى راسۋل رىسمامبەتوۆ تەڭگە قۇنىنىڭ السىرەۋ سەبەبىن تۇسىندىرگەن بولاتىن.

اۆتور
اينۇر تۋماكبايەۆا