اقشا ايىرباستاۋ ورىندارىندا دوللار قانشا تەڭگەدەن ساۋدالانىپ جاتىر
الماتى. KAZINFORM - استانا مەن الماتى قالالارىنداعى اقشا ايىرباستاۋ پۋنكتەرىندە دوللار 529 - 533 تەڭگەدەن ساۋدالانىپ جاتىر.

ۇلتتىق بانكتىڭ 17- قاڭتارعا ۇسىنعان رەسمي باعامى - 1 دوللارعا 529,65 تەڭگە. رەسەي ءرۋبلىنىڭ ورتاشا سارالانعان قۇنى - 5,16 تەڭگە. ەۋرو - 544,64.
Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 529,7 تەڭگەدەن ساتىلىپ جاتىر، ساتىپ الۋ باعامى - 532,3 تەڭگە. ەۋرو 544 - 549 تەڭگە ارالىعىندا قۇبىلىپ تۇر.
ال، استانا قالاسى بويىنشا دوللاردى ساتۋ باعامى - 531,5 تەڭگە، ساتىپ الۋ قۇنى - 533 تەڭگە. ەۋرو 544,5 تەڭگەدەن ساتىلىپ، 548,3 تەڭگەدەن ساتىپ الىنادى.
ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 5,09 - 5,18 ارالىعىندا ساۋدالانىپ جاتىر.
ايتا كەتەيىك، 16- قاڭتار كەشكى ساۋدا قورىتىندىسى بويىنشا، دوللاردىڭ ورتاشا باعامى 0,03 تەڭگەگە تومەندەپ، 529,71 تەڭگە بولعان.
وسىعان دەيىن قازاقستان قارجىگەرلەر قاۋىمداستىعى 2025 -جىلى دوللار 545 تەڭگەگە دەيىن بارۋى مۇمكىن ەكەنىن ايتتى.
سونداي-اق ۇلتتىق بانك ۆاليۋتا ايىرباستاۋدىڭ جاڭا ەرەجەسىن بەكىتەتىنىن مالىمدەدى.