اقشا ايىرباستاۋ ورىندارىندا دوللار قانشا تەڭگەدەن ساۋدالانىپ جاتىر

الماتى. KAZINFORM - استانا مەن الماتى قالالارىنداعى اقشا ايىرباستاۋ پۋنكتتەرىندە دوللار 499 - 505 تەڭگەدەن ساۋدالانىپ جاتىر.

ۇلتتىق بانكتىڭ 27- اقپانعا ۇسىنعان رەسمي باعامى - ءبىر دوللارعا 501,28 تەڭگە. قىتاي يۋانى 69.07 تەڭگە بولسا، رەسەي رۋبلىنىڭ ورتاشا سارالانعان قۇنى - 5,86 تەڭگە. ەۋرو - 526,19.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 502,7 تەڭگەدەن ساتىلىپ جاتىر، ساتىپ الۋ باعامى - 500 تەڭگە. ەۋرو 524 - 528 تەڭگە ارالىعىندا قۇبىلىپ تۇر.

ال، استانا قالاسى بويىنشا دوللاردى ساتۋ باعامى - 505 تەڭگە، ساتىپ الۋ قۇنى - 499 تەڭگە. ەۋرو 530 تەڭگەدەن ساتىلىپ، 523 تەڭگەدەن ساتىپ الىنادى.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 5,68 - 5,86 ارالىعىندا ساۋدالانىپ جاتىر.

ايتا كەتەيىك، 26- اقپان كەشكى ساۋدا قورىتىندىسى بويىنشا، دوللاردىڭ ورتاشا باعامى 2,28 تەڭگەگە قىمباتتاپ، 501,04 تەڭگە بولعان.

وسىعان دەيىن قازاقستان قارجىگەرلەر قاۋىمداستىعى 2025 -جىلى دوللار 545 تەڭگەگە دەيىن بارۋى مۇمكىن ەكەنىن ايتتى.

سونداي-اق ۇلتتىق بانك ۆاليۋتا ايىرباستاۋدىڭ جاڭا ەرەجەسىن بەكىتەتىنىن مالىمدەدى.

قازاقستاندىق ەكونوميستەر تەڭگەنىڭ نىعايۋىنا مۇمكىندىك بار ەكەنىن ايتتى.

اۆتور

الما مۇقانوۆا