اقپان ايىندا كۇن رايى قانداي بولادى -سينوپتيكتەر بولجامى

  استانا. KAZINFORM - «قازگيدرومەت» ر م ك 2024-جىلدىڭ اقپان ايىندا ەلىمىزدەگى كۇن رايىنا بولجامىن ۇسىندى.

2024-جىلدىڭ اقپان ايىنا ارنالعان اۋا رايى بولجامىنا سايكەس، رەسپۋبليكانىڭ باسىم بولىگىندە اۋانىڭ ورتاشا تەمپەراتۋراسى نورمادان 1-2°C جوعارى، شىعىس قازاقستان وبلىسىندا، الماتى جانە جەتىسۋ وبلىستارىنىڭ وڭتۇستىك- شىعىس بولىگىندە، تۇركىستان، جامبىل جانە اباي وبلىستارىنىڭ تاۋلى، تاۋ بوكتەرىندەگى ايماقتارىندا نورماعا جاقىن بولادى.

اقپان ايىندا رەسپۋبليكانىڭ باسىم بولىگىندە جاۋىن-شاشىن مولشەرى كليماتتىق نورما شاماسىندا بولاتىنى بولجانعان. اتىراۋ وبلىسىندا، قوستاناي وبلىسىنىڭ سولتۇستىك بولىگىندە، ەلىمىزدىڭ وڭتۇستىگى مەن وڭتۇستىك- شىعىسىنداعى تاۋلى جانە تاۋ بوكتەرىندەگى ايماقتاردا جاۋىن-شاشىن مولشەرى نورمادان جوعارى بولادى. رەسپۋبليكانىڭ سولتۇستىگىندە نەگىزىنەن قار جاۋادى، ەلدىڭ وڭتۇستىك-باتىسىندا جانە وڭتۇستىگىندە جاڭبىر جاۋادى. ەلدىڭ سولتۇستىك جارتىسىندا تۇمان ءتۇسىپ، كوكتايعاق بولادى، جەل كۇشەيىپ، بۇرقاسىن بولادى.

بولجام بويىنشا، اقپان ايىنىڭ ءبىرىنشى ونكۇندىگىنىڭ باسىندا قازاقستاننىڭ باسىم بولىگىندە قار جاۋىپ، بۇرقاسىن بولادى، ال ورتاسىندا جانە سوڭىندا جاۋىن-شاشىن (جاڭبىر، قار) تۇسەدى.

اقپاننىڭ باسىندا رەسپۋبليكانىڭ وڭتۇستىك وبلىستارىنىڭ تاۋلى ايماقتارىندا كەي كەزدەرى قالىڭ قار جاۋادى، تۇمان ءتۇسىپ، كۇن سۋىتادى، جەلدىڭ جىلدامدىعى 15-28 م/س دەيىن كۇشەيەدى.

اقپان ايىنىڭ ءبىرىنشى ونكۇندىگىنىڭ باسىندا باتىستا، ال ونكۇندىكتىڭ ورتاسىندا قازاقستاننىڭ باسىم بولىگىندە اۋا تەمپەراتۋراسىنىڭ جوعارىلاۋى بولجانىپ وتىر: سولتۇستىك بولىگىندە تەمپەراتۋرا -3+2°C- گە دەيىن، وڭتۇستىكتە +5+15°C- گە دەيىن كوتەرىلەدى. اقپان ايىنىڭ ءبىرىنشى ونكۇندىگىنىڭ سوڭىندا ەلىمىزدىڭ سولتۇستىك- باتىس جارتىسىندا، كەيىن قالعان بولىگىندە تەمپەراتۋرالىق فوننىڭ تومەندەۋى بولجاندى.