اق ۇيدەگى كەزدەسۋ: ترامپ قارۋ-جاراق جەتكىزۋ تۋرالى جاۋاپ بەردى
استانا. KAZINFORM - ترامپ امەريكالىق قارۋ-جاراق جەتكىزۋ تۋرالى جاۋاپ بەردى. بۇل تۋرالى BBS News حابارلادى.
BBS-دىڭ ۋكراينالىق قىزمەتىنىڭ ءتىلشىسى ميروسلاۆا پەتسا دونالد ترامپ پەن ۆلاديمير زەلەنسكيدىڭ كەزدەسۋىنىڭ باسىندا «پرەزيدەنت مىرزا، ەگەر ءبىتىم بولمايتىن بولسا، ۋكرايناعا تاعى قارۋ-جاراق جىبەرەسىز بە؟» دەپ سۇرادى ءتىلشى.
- ءيا، ءبىز تاعى دا قارۋ جىبەرەمىز. ءبىراق، مەن وتە كوپ جىبەرۋگە تۋرا كەلمەيدى دەپ ۇمىتتەنەمىن، ويتكەنى ءبىز بۇل جاعدايدى تەز اياقتاۋعا ۇمىتتەنەمىز. كوپ قارۋ جىبەرمەۋگە ۇمىتتەنەمىز، ءبىز سوعىستى تەز اياقتاۋدى كوزدەيمىز، سوندا باسقا ىستەرمەن اينالىسا الامىز. ءبىراق قولجەتكىزىلگەن كەلىسىمدەردى جوعارى باعالايمىز، ويتكەنى بىزگە سىزدەردەگى كەيبىر نارسەلەر كەرەك جانە قازىر ءبىزدىڭ ەلگە ادىلەتتى تۇردە قارايدى، - دەپ جالعاستىردى ا ق ش پرەزيدەنتى، پايدالى قازبالار تۋرالى كەلىسىمدى مەڭزەپ.
ول بۇل سوعىس مۇلدەم باستالماۋى ءتيىس ەكەنىن اتاپ ءوتتى.
- بايدەن بۇلاي ىستەگەن جوق، ءبىراق ول نە ىستەسە دە، سوعىس ءبارىبىر بولماۋى كەرەك ەدى، بۇل سوعىس مۇلدەم باستالماۋى ءتيىس ەدى. ءسىزدىڭ سۇراعىڭىزعا جاۋاپ «ءيا» بولادى، ءبىراق مەن كوپ جىبەرۋگە تۋرا كەلمەيدى دەپ سەنەمىن، ويتكەنى ءبارىن تەز اياقتاۋعا ۇمىتتەنەمىن، - دەپ ويىن تۇيىندەدى ترامپ.
