22:30, 28 - اقپان 2025 | GMT +5
اق ۇيدە ترامپ پەن زەلەنسكيدىڭ كەزدەسۋى ءوتىپ جاتىر
استانا. KAZINFORM - ۋكراينا پرەزيدەنتى ۆلاديمير زەلەنسكي ا ق ش پرەزيدەنتى دونالد ترامپپەن كەزدەسۋ ءۇشىن اق ۇيگە كەلدى.
كەزدەسۋدە ۋكراينانىڭ سيرەك جەر مەتالدارى مەن باسقا دا پايدالى قازبالارىن ءوندىرۋ تۋرالى نەگىزدەمەلىك كەلىسىمگە قول قويىلادى دەپ كۇتىلەدى. بۇل تۋرالى BBC جازدى.
كەزدەسۋ تۋرالى تىكەلەي ەفير AP ارناسىنان كورسەتىلىپ جاتىر.
بۇل رەتتە ترامپ ۋكرايناداعى سيرەك جەر مەتالدارى تۋرالى كەلىسىمگە بۇگىن قول قويىلاتىنىن ايتتى.
ەسكە سالا كەتەيىك، بۇعان دەيىن ۋكرايناعا قاتىستى ءبىر توقتامعا كەلۋ جونىندەگى كەلىسىمگە جاقىندا قول جەتكىزەتىنىن نەمەسە مۇلدە جۇزەگە اسپايتىنىن اقش پرەزيدەنتى دونالد ترامپ اق ۇيدە ۇلىبريتانيا پرەمەر-ءمينيسترى كير ستارمەرمەن كەزدەسۋى بارىسىندا ايتقان بولاتىن.
