اق ۇيدە ءوتىپ جاتقان قايىرىمدىلىق داستارحانىنا نۇرلان يمام دا قاتىسۋدا
ۆاشينگتون. KAZINFORM - ا ق ش پرەزيدەنتى دجو بايدەننىڭ قاتىسۋىمەن اق ۇيدە قايىرىمدىلىق اسى ءوتىپ جاتىر. حالىقارالىق شاراعا قازاقستاننان ءدىنتانۋشى، تەولوگ، پسيحولوگ نۇرلان قاجى بايجىگىت ۇلى قاتىسۋدا.
سونىمەن قاتار القالى جيىنعا الپاۋىت ەلدىڭ ءدىن باسشىلارى، وزگە دە مەملەكەت جەتەكشىلەرى، تانىمال تۇلعالار شاقىرىلعان.
«نەگىزگى ماقساتى - الەمدەگى تىنىشتىق، ىنتىماق، بىرلىك جانە وسى توڭىرەكتە جاسالاتىن دۇعالار مەن ءمىناجات. ءار ءدىن وكىلى ءوزىنىڭ دۇعاسىن ءوز قولىمەن، نيەتىمەن جەتكىزەدى. بۇل - الەمدە بولىپ جاتقان جاعدايعا بايلانىستى بارلىق ءدىن وكىلدەرىنىڭ ءبىر جەردە نيەت توعىستىرۋى» - دەپ ءتۇسىندىردى ا ق ش-تاعى اس تۋرالى اگەنتتىكتىڭ دەرەككوزى.
بەلگىلى بولعانداي، قايىرىمدىلىق داستارحانىنا 127 مەملەكەتتەن 1600 ادام جينالعان.
ايتا كەتەيىك، بۇعان دەيىن نۇرلان يمامنىڭ ا ق ش پرەزيدەنتى دجو بايدەننەن شاقىرتۋ الىپ، جولعا اتتانعالى وتىرعانىن جازعان بولاتىنبىز. ول امەريكا كوشباسشىسى جىل سايىن قايىرىمدىلىق اس بەرەتىنىن ايتقان. جيىنعا الەم مەملەكەتتەرىنىڭ بەتكە ۇستار ازاماتتارى شاقىرىلادى.
«اللانىڭ قالاۋى بويىنشا بيىل ءبىزدىڭ ەلىمىزدەن تاڭداۋ ماعان ءتۇسىپ تۇر ەكەن. مەملەكەتىمىزدىڭ مۇددەسىن، پرەزيدەنتىمىز قالىپتاستىرىپ وتىرعان ىشكى جانە سىرتقى ساياساتتى، سونداي-اق رۋحانياتىمىزدى كەڭەيتۋ، پاش ەتۋ، قازاق تاريحىنىڭ كەڭ ەكەنىن كورسەتۋ ءۇشىن وسى ساپارعا نيەت ءبىلدىرىپ وتىرمىز. الداعى اپتادا ۇلكەن ساپارعا جول جۇرمەكپىز»، دەگەن ەدى نۇرلان يمام.
