اق ءۇي دجو بايدەننىڭ دەنساۋلىعىنا بايلانىستى تاراعان قاۋەسەتكە جاۋاپ بەردى

байден
Фото: x.com/POTUS

  استانا. KAZINFORM — اق ءۇي تاعى دا ا ق ش پرەزيدەنتى دجو بايدەننىڭ دەنساۋلىعىنا قاتىستى الاڭداۋشىلىقتى سەيىلتۋگە تىرىسىپ، جۋرناليستەرگە ونىڭ پاركينسون اۋرۋىمەن اۋىرمايتىنىن ايتتى، دەپ جازادى BBC.

جۋرناليستەردى بارىنەن بۇرىن نيەۆروپاتولوگ ءارى پاركينسون اۋرۋىنىڭ مامانى كيەۆين كانناردتىڭ اقۇيگە نە ءۇشىن بارعانى قىزىقتىردى.

امەريكالىق ب ا ق- تىڭ حابارلاۋىنشا، ۆاشينگتون ماڭىنداعى ۋولتەر ريد ۇلتتىق اسكەري مەديتسينا ورتالىعىندا جۇمىس ىستەيتىن كاننارد وتكەن جىلدىڭ تامىزىنان 2024 -جىلدىڭ ناۋرىزىنا دەيىن اق ۇيگە سەگىز رەت كەلگەن.

ونىڭ اق ۇيگە كىرۋى جالپىعا قولجەتىمدى كىرۋ جۋرنالىندا تىركەلگەن. كەزدەسۋدىڭ بىرىندە پرەزيدەنتتىڭ ەمدەۋشى دارىگەرى كيەۆين و’كوننور كەلۋشى رەتىندە كورسەتىلگەن.

كارين جان- پەر قاۋىپسىزدىك سەبەپتەرىن العا تارتىپ، اق ۇيگە قانداي ماماندار كەلگەنىن ايتۋدان باس تارتتى.

وسى جىلدىڭ باسىندا اق ءۇي دارىگەرى كيەۆين و’كوننور دجو بايدەندى تەكسەرۋ كەزىندە پاركينسون اۋرۋىنىڭ بەلگىلەرى تابىلماعانىن ايتتى.

27- ماۋسىمدا دونالد ترامپپەن بولعان ءساتسىز دەباتتان كەيىن اق ۇيگە جانە جەكە دجو بايدەنگە قىسىم كۇشەيدى.

الايدا، بايدەن پرەزيدەنت سايلاۋىنا تۇسۋگە دايىن ەكەنىن ايتادى.

بۇعان دەيىن كونگرەستىڭ بەس دەموكراتى (تەحاس، اريزونا، يللينويس، ماسساچۋسەتس جانە ميننەسوتادان كەلگەن وكىلدەر پالاتاسىنىڭ مۇشەلەرى) بايدەندى سايلاۋدان باس تارتۋعا اشىق تۇردە شاقىرعان.

ولارعا دۇيسەنبىگە قاراعان ءتۇنى ۆاشينگتون شتاتىنىڭ كونگرەسمەنى ادام سميت قوسىلدى.

دۇيسەنبى كۇنى دجو بايدەن MSNBC- ءتىڭ تاڭعى Morning Joe شوۋىنا كۇتپەگەن جەردەن قوڭىراۋ شالىپ، ونى پرەزيدەنتتىك باسەكەدەن شىعۋعا شاقىرعانداردان كوڭىلى قالعانىن ايتتى.

«مەنىڭ سايلاۋعا تۇسۋىمە قارسىلىق بىلدىرگەندەر وزىمە قارسى شىقسىن. پرەزيدەنتتىككە ۇمىتكەر بولىپ، باسىمىز قوسىلعاندا مەنى دەباتقا شاقىرسىن»، - دەدى ول.

ءبىرىنشى حانىم دجيلل بايدەن دە كۇيەۋىن قولدايتىنىن اشىق ايتتى.

سوڭعى جاڭالىقتار