اق ءۇي ابايسىزدا ارنايى قۇپيا جاساعىنىڭ سۋرەتىن جاريالاپ قويعان

Фото: @kief_point
Фото: из открытых источников

اق ءۇي حاماس ۇيىمى كەپىلگە العان ادامداردى بوساتۋعا قاتىسقان ارنايى جاساقتىڭ قۇپياسىن ابايسىزدا اشىپ قويعان.

kazinfom اگەنتتىگى بۇل تۋرالى New York Post باسىلىمىنا سىلتەمە جاساپ حابارلايدى.

بايدەن اكىمشىلىگى بەيسەنبى كۇنى يزرايلگە حاماس سودىرلارى كەپىلگە العان ادامداردى تابۋعا جانە قۇتقارۋعا كومەكتەسكەن ا ق ش- تىڭ «دەلتا» جاساعىنىڭ بىرنەشە تۇلعاسىنىڭ جەكە باسىن كەزدەيسوق اشقانىن مويىندادى.

اق ءۇي ءوزىنىڭ Instagram-داعى رەسمي اككاۋنتىندا پرەزيدەنت دجو بايدەن ارميانىڭ لاڭكەستىككە قارسى ەليتالى «دەلتا» بولىمشەسىنىڭ مۇشەسىمەن قول الىسىپ تۇرعان سۋرەتىن جاريالادى.

بايدەن امانداسىپ تۇرعان ساربازدان باسقا فوتودا «دەلتانىڭ» تاعى ءۇش ساربازىنىڭ ءجۇزى كورىنىپ تۇر.

شەنەۋنىكتەر قاتەلىكتەرىن تۇسىنگەنشە، فوتوسۋرەت اق ءۇيدىڭ اككاۋنتىندا ءبىر ساعاتتاي ۋاقىت جاريالانىپ تۇرعان.

«ونى بايقاعان بويدا، ءبىز فوتوسۋرەتتى بىردەن الىپ تاستادىق»، - دەدى ا ق ش پرەزيدەنتى اكىمشىلىگىنىڭ وكىلى.

بەيسەنبىدە الەۋمەتتىك جەلىلەردە تاراعان سكرينشوتقا سايكەس، فوتو جويىلعانعا دەيىن 6100 دەن استام ءلۇپىل جيناعان.

«دەلتا» جاۋىنگەرلەرىنىڭ جەكە باسى مەن اتى-ءجونى جاۋ قولىنا تۇتقىنعا تۇسكەن جاعدايدا ولاردى انىقتاۋىنا جول بەرمەۋ ءۇشىن قۇپيا ساقتالادى. جاساق مۇشەلەرىنىڭ سۋرەتتەرى سيرەك كەزدەسەدى جانە ولاردىڭ بەتتەرى ەشقاشان كورىنبەيدى.

وتكەن اپتادا بايدەن يزرايلدىك ارىپتەستەرىنە 7- قازاندا يزرايلگە جاسالعان شابۋىل كەزىندە حاماس سودىرلارى تۇتقىنعا العان ادامداردى بوساتۋعا كومەكتەسۋ ءۇشىن يزرايلگە «دەلتا» كومانداسىن جولدادى.

سوڭعى جاڭالىقتار