كوروناۆيرۋس: قازاقستان ۆاكسيناعا قول جەتكىزۋگە كومەكتەسەتىن APVAX مەحانيزمىن قاراستىرۋدا
مينيسترلىكتەن ءمالىم ەتكەندەي، م. شورانوۆ قازاقستانداعى ازيا دامۋ بانكىنىڭ تۇراقتى وكىلدىگىنىڭ ديرەكتورى ناريمان مانناپبەكوۆپەن جانە ورتالىق جانە باتىس ازيا ەلدەرى بويىنشا ازيا دامۋ بانكىنىڭ وكىلدەرىمەن كەزدەستى.
م. شورانوۆ قازاقستاندا COVID-19 تارالۋىنىڭ الدىن الۋ بويىنشا جۇرگىزىلىپ جاتقان جۇمىستار، سونىڭ ىشىندە ۆاكتسينوپروفيلاكتيكا ماسەلەلەرى تۋرالى حاباردار ەتتى. سونداي-اق ول ا د ب- عا دەنساۋلىق ساقتاۋ جوبالارى بويىنشا ءتيىمدى ۇزاق مەرزىمدى ىنتىماقتاستىق ءۇشىن العىس ءبىلدىردى.
ا د ب وسى ىنتىماقتاستىق اياسىندا جانە كوروناۆيرۋسپەن كۇرەس ماقساتىندا از قامتىلعان وتباسىلاردى قۇرامىندا ءدارى-دارمەك پەن قورعاۋدىڭ باستاپقى مەديتسينالىق قۇرالدارى بار قوبديشالارمەن قامتاماسىز ەتۋگە گرانتتىق كومەك كورسەتكەن.
«1- اقپاننان قازاقستان رەسپۋبليكاسىندا حالىقتى جاپپاي كوروناۆيرۋس ينفەكتسياسىنا قارسى ۆاكتسيناتسيا باستالدى. ءبىرىنشى كەزەكتە ول ينفەكتسيالىق ستاتسيونارلاردىڭ، جەدەل مەديتسينالىق جاردەمنىڭ، سونداي-اق باسقا دا مەديتسينا قىزمەتكەرلەرىن قامتيدى. كەيىن ۆاكتسينا كولەمىنىڭ جەتكىلىكتىلىگىنە قاراي ۆاكتسينالاناتىن كونتينگەنتتى ودان ءارى كەڭەيتە وتىرىپ، قاتارعا پەداگوگ، كۇش قۇرىلىمدارىنىڭ قىزمەتكەرلەرى قوسىلاتىن بولادى. بۇگىندە حالىقتى كوروناۆيرۋستان قورعاۋ، ياعني كۆي بويىنشا قالىپتاسقان جاعدايدى جەڭۋگە جانە كارانتينسىز ادەتتەگى ومىرگە ورالۋ ءۇشىن ۆاكتسيناتسيامەن قامتۋ وتە ماڭىزدى»، - دەدى م. شورانوۆ.
ءوز كەزەگىندە ن. مانناپبەكوۆ ا د ب- نىڭ قازاقستانداعى وكىلدىگىنىڭ قازىرگى قىزمەتى تۋرالى ءبولىستى.
كەزدەسۋ بارىسىندا ا د ب قىزمەتكەرلەرى ۆاكتسيناعا قول جەتكىزۋگە جاردەمدەسۋدىڭ ازيا-تىنىق مۇحيتى تەتىگىن (Asia Pacific Vaccine access Facility، APVAX) تانىستىردى.
APVAX دامۋشى مۇشە ەلدەرگە COVID-19 ۆاكتسينالارىن ساتىپ الۋعا جانە جەتكىزۋگە قولداۋ كورسەتەتىن رەسۋرستار پاكەتى مەن مەحانيزمدى ۇسىنادى جانە 2 كومپونەنتتەن تۇرادى: جەدەل ارەكەت ەتۋ كومپونەنتى جانە ينۆەستيتسيالىق كومپونەنت.
ۆاكتسينامەن الدىن الۋ ماسەلەلەرى بويىنشا شەتەلدىك سەرىكتەستەردى ىنتىماقتاستىققا تارتۋ بويىنشا جۇرگىزىلىپ جاتقان جۇمىستىڭ ماڭىزدىلىعىن ەسكەرە وتىرىپ تاراپتار قازاقستان رەسپۋبليكاسىنىڭ اتالعان APVAX تەتىگىنە قاتىسۋ مۇمكىندىگىن قاراستىرۋعا كەلىستى.