Apple ءوز پلاتفورماسىندا موبيلدىك ويىنداردىڭ مونوپولياسى ءۇشىن ايىپتالدى
كاليفورنيا. قازاقپارات - IOS پلاتفورماسىندا موبيلدىك ويىندار نارىعىن مونوپوليالاۋدا جانە ءوزىنىڭ مونوپوليالىق جاعدايىن ساقتاپ قالۋ ءۇشىن باسەكەگە قارسى ءتارتىپتى قولداندى دەپ ايىپتالعان Apple كومپانياسىنا كەزەكتى توپتىق ارىز ءتۇسىرىلدى، دەپ حابارلايدى قازاقپارات Appleinsider سايتىنا سىلتەمە جاساپ.
كاليفورنيا شتاتى بويىنشا سولتۇستىك وكرۋگتىڭ ايماقتىق سوتىنا جولدانعان شاعىمدا Apple كومپانياسىنىڭ «باسەكەلەستىكتى بۇزىپ، زاڭسىز ارەكەت تانىتىپ وتىرعانى» جازىلعان. شاعىم نيۋ- دجەرسي تۇرعىنى دجون پيستاچيو (John Pistacchio) اتىنان كەلىپ تۇسكەن. ول كومپانيانىڭ Apple Arcade سەرۆيسىنە ءوتۋ قۇنى تىم جوعارى دەپ ەسەپتەيدى.
تالاپكەر Apple- ءدىڭ قوسىمشانى ازىرلەۋشىلەردەن ءوز ەرەجەلەرىن ۇستانۋدى تالاپ ەتىپ، ولاردى باسقا پلاتفورمالاردا ورنالاستىرۋعا تىيىم سالىپ، سول ارقىلى مونوپوليست بولىپ وتىرعانىن ايتادى. بىردە ءبىر ازىرلەۋشى نەمەسە ازىرلەۋشىلەر توبىنىڭ iOS پلاتفورماسىنىڭ پايدالانۋشىلارىنا وزگە دە پلاتفورمالاردىڭ دا Microsoft, Facebook دانە Google ءتارىزدى تابىس تۇسىرەتىندەي ىقپال ەتە المايتىنى حابارلاندى. تالاپ ءتۇسىرۋشى تەرگەۋ وتكىزۋدى، ماتەريالدىق شىعىننىڭ وتەلۋىن، تالاپ تۇسىرۋشىلەردىڭ قۇقىقتىق قورعالۋىن، سوت شىعىندارىنىڭ وتەلۋى جانە كومپانياعا قارسى سانكتسيالاردىڭ قولدانىلۋىن تالاپ ەتىپ وتىر.
