Apple تاعى دا الەمدەگى ەڭ قىمبات برەندتەر تىزىمىندە كوش باستادى

استانا. قازاقپارات - Apple ەكىنشى جىل قاتارىنان الەمدەگى ەڭ قىمبات برەند اتاندى. برەند قۇنى ءبىر جىل ىشىندە %11 عا ءوسىپ، 574,5 ميلليارد دوللارعا جەتتى. بۇل تۋرالى جىل سايىنعى Brand Finance Global 500 زەرتتەۋىندە ايتىلعان، دەپ جازادى Report.

АҚШ Әділет министрлігі Apple-ді смартфондар нарығын монополиялады деп айыптайды
Фото: Euronews

رەيتينگتەگى ەكىنشى ورىندى تاعى دا Microsoft يەلەندى، ونىڭ قۇنى %35 عا (461,1 ميلليارد دوللارعا دەيىن) ءوستى، ءۇشىنشى ورىندا Google (+24%، 413 ميلليارد دوللارعا دەيىن)، ءتورتىنشى ورىندا Amazon (+15%، 356,4 ميلليارد دوللارعا دەيىن) كومپانياسى تۇر.

Walmart برەندى التىنشى ورىننان بەسىنشى ورىنعا كوتەرىلدى - ونىڭ قۇنى %42 عا ءوسىپ، 137,2 ميلليارد دوللارعا دەيىن ءوستى.

ەڭ قىمبات برەندتەردىڭ وندىعىنا سونىمەن قاتار Samsung (110,6 ميلليارد دوللار)، TikTok (105,8 ميلليارد دوللار)، Facebook (91,5 ميلليارد دوللار)، Nvidia (87,9 ميلليارد دوللار) جانە قىتايدىڭ State Grid كورپوراتسياسى (85,6 ميلليارد دوللار) كىرەدى. ءبىر جىل ىشىندە Nvidia برەندىنىڭ قۇنى ەكى ەسەگە جۋىق وسكەنى اتاپ ءوتىلدى.

Deutsche Telekom جالپى رەيتينگتە 11- ورىنعا يە بولىپ، ەۋروپاداعى ەڭ قۇندى برەند دەپ تانىلدى (%16+، $85,3 ميلليارد).

Instagram جەلىسى 12-ورىندا (79,9 ميلليارد دوللار)، قىتايلىق ICBC جانە China Construction Bank $79,1 ميلليارد جانە $78,4 ميلليارد كورسەتكىشتەرىمەن 13 جانە 14- ورىنداردى يەلەندى.

جاپوندىق  Toyota  برەندتەر اراسىندا 18-ورىنعا يە بولدى ($64,7 ميلليارد، %23+).

ۇزدىك 500 گە 193 امەريكاندىق برەند كىرەدى، بۇل جالپى قۇننىڭ جارتىسىنان كوبىن قۇرايدى، دەلىنگەن حاباردا.

الەمدەگى ەڭ قۇندى 500 برەندتىڭ جالپى قۇنى وتكەن جىلى %10 عا ءوسىپ، 9,5 تريلليون دوللارعا جۋىقتادى.

ايتا كەتەيىك، Google, Apple, Netflix سەكىلدى شەتەلدىك ءىرى كومپانيالار قازاقستانعا 70 ميلليارد تەڭگە سالىق تولەدى.

سوڭعى جاڭالىقتار