Apple كومپانياسى Telegram مەن WhatsApp قوسىمشاسىن قىتايدىڭ App Store دۇكەنىنەن الىپ تاستادى

 استانا. KAZINFORM - قىتايلىق Apple ونىمدەرىن پايدالانۋشىلار ەندى ءبىرقاتار قوسىمشانى پايدالانا المايدى.

The Wall Street سايتىنىڭ حابارلاۋىنشا، 19-ساۋىردەن باستاپ قىتايدىڭ App Store دۇكەنىندە Telegram, WhatsApp, Threads جانە Signal قوسىمشالارى جوق.

Apple كومپانياسىنىڭ مالىمدەۋىنشە، بۇل قوسىمشالار قىتاي ۇكىمەتىنىڭ تالابى بويىنشا الىنىپ تاستالدى.

«ءبىز كەلىسپەسەك تە، بيزنەس جۇرگىزەتىن ەلدەردىڭ زاڭدارىن ساقتاۋعا مىندەتتىمىز»، - دەپ اتاپ ءوتتى Apple كومپانياسى.

قىتاي تاراپى بۇل ۇلتتىق قاۋىپسىزدىكتى قامتاماسىز ەتۋ ماقساتىندا جاسالىپ وتىرعان شارا دەپ ءتۇسىندىردى.

ايتا كەتەيىك، قىتايدا Facebook جانە Instagram سياقتى الەمگە تانىمال الەۋمەتتىك جەلىلەر اشىلمايدى. ايتسە دە، قىتايلىق پايدالانۋشىلار VPN ارقىلى قوسىمشانى پايدالانا الادى.

الايدا، قىتاي زاڭى بويىنشا VPN پايدالانۋ زاڭسىز سانالادى.

اۆتور

مۇحتار قاليموللا ۇلى