انتيكور قازاقستاننىڭ تۋريزم سالاسىنداعى سىبايلاس جەمقورلىقتى تەكسەرەدى
استانا. KAZINFORM - سىبايلاس جەمقورلىققا قارسى قىزمەت «زاڭ مەن ءتارتىپ» قاعيداتىن ىسكە اسىرۋ بويىنشا شارا قابىلداپ جاتىر.
سىبايلاس جەمقورلىققا قارسى ءىس-قيمىل اگەنتتىگىندە اسحات جۇماعاليدىڭ توراعالىعىمەن جەكە قۇرامنىڭ قاتىسۋىمەن جەدەل ءماجىلىس ءوتتى. مەملەكەت باسشىسىنىڭ، ونىڭ ىشىندە «ماقساتىم - ەكونوميكانى جانە ەگەمەندىكتى نىعايتۋ» قورىتىندى سۇحباتىندا قوزعالعان تاپسىرمالار مەن نۇسقاۋلاردى ىسكە اسىرۋ ماسەلەلەرى تالقىلاندى. ەڭ الدىمەن، ورگان جۇمىسىنىڭ نەگىزگى ۆەكتورى پرەزيدەنت جاريالاعان «زاڭ جانە ءتارتىپ» يدەولوگياسىن كەڭىنەن ەنگىزۋدى جالعاستىرۋى ءتيىس.
مەملەكەت باسشىسى اتاپ وتكەندەي، جەمقورلىققا قارسى جۇيەلى كۇرەس بويىنشا جۇمىستى كۇشەيتۋ ماسەلەلەرىنە ەرەكشە نازار اۋدارىلدى. بۇل باعىتتا اگەنتتىكتىڭ ءتۇرلى سالالارداعى جەمقورلىق تاۋەكەلدەرىن انىقتاۋ جانە جويۋ جونىندەگى قىزمەتى ماڭىزدى قۇرامداس بولىپ قالا بەرەدى.
ماجىلىستە ءبىلىم جانە عىلىم، جول قۇرىلىسى، سپورت، دەنساۋلىق ساقتاۋ سالالارىنداعى تالداۋ ناتيجەلەرى تالقىلاندى. ءتيىستى قۇرىلىمدىق جانە اۋماقتىق بولىمشەلەرگە الداعى جىلعا تالداۋ جۇرگىزۋ جوسپارلارىن قالىپتاستىرۋ جانە ولاردى ساپالى ىسكە اسىرۋ تۋرالى تاپسىرمالار بەرىلدى. ماسەلەن، اگەنتتىكتىڭ الداعى جوسپارلارىندا تۋريزم سالاسىن تالداۋ بار.
زاڭنىڭ ۇستەمدىگىن جانە جەمقورلىق ارەكەتتەرى ءۇشىن جاۋاپكەرشىلىكتىڭ بۇلتارتپاستىعىن قامتاماسىز ەتۋ باسىم باعىت بولىپ قالا بەرەدى. سونىمەن قاتار ەل پرەزيدەنتى ءوز سۇحباتىندا وبەكتيۆتى شەشىمدەر قابىلداۋ قاجەتتىگىن اتاپ ءوتتى. وسىعان بايلانىستى، جۇرگىزىلىپ جاتقان سوتقا دەيىنگى تەرگەۋ بارىسىندا زاڭدىلىق پەن ادىلدىك قاعيداتتارىن قامتاماسىز ەتۋ جونىندەگى جۇمىس جالعاساتىن بولادى.
ايتا كەتۋ كەرەك، وتكەن جىلى ورگان قىلمىستىق پروتسەسس شەڭبەرىندە زاڭسىز ۇستاۋ، ءتىنتۋ، الۋ، ءىس ماتەريالدارىن بۇرمالاۋ فاكتىلەرىنە جول بەرمەدى. الەۋمەتتىك ادىلەتتىلىكتى قالپىنا كەلتىرۋ ماقساتىندا زاڭسىز الىنعان اكتيۆتەردى قايتارۋ جانە زالالدى وتەۋ ماڭىزدى باعىت بولىپ قالا بەرەدى.
2022-جىلدان باستاپ اگەنتتىك 1,12 تريلليون تەڭگەنى قايتارۋدى قامتاماسىز ەتتى. اگەنتتىكتىڭ اكتيۆتەردى قايتارۋ جونىندەگى جۇمىسى، ونىڭ ىشىندە حالىقارالىق ىنتىماقتاستىقتى كەڭەيتۋ ارقىلى جالعاستىرىلاتىن بولادى.
اگەنتتىك حالىقارالىق ۇيىمدارمەن جانە جەمقورلىققا قارسى ۆەدومستۆولارمەن 14 مەموراندۋمعا قول قويدى، ونىڭ 5 ءى وتكەن جىلى - ازەربايجان، رەسەي، گونكونگ، يوردانيا جانە قاتارمەن.
- سىبايلاس جەمقورلىققا قارسى قىزمەت ماسەلەلەرىندە قازاقستان الدىڭعى قاتارلى حالىقارالىق ستاندارتتارعا، ونىڭ ىشىندە ەكونوميكالىق ىنتىماقتاستىق جانە دامۋ ۇيىمى ەنگىزەتىن ستاندارتتارعا باعدارلانادى. بۇل وتە جوعارى جولاق، - دەپ اتاپ ءوتتى مەملەكەت باسشىسى.
سوندىقتان اگەنتتىك وتاندىق زاڭناماعا جەمقورلىققا قارسى ءتيىمدى قۇرالداردى يمپلەمەنتاتسيالاۋدى قامتيتىن ە ى د ۇ مەن گرەكو ۇسىنىمدارىن ساپالى ىسكە اسىرۋدى جالعاستىراتىن بولادى.
ەستەرىڭىزگە سالا كەتەيىك، قازىرگى ۋاقىتتا قازاقستان ە ى د ۇ- نىڭ سىبايلاس جەمقورلىققا قارسى جەلىسىنىڭ ىستامبۇل ءىس-قيمىل جوسپارى شەڭبەرىندە مونيتورينگتىڭ 5 راۋندىنان ءوتىپ جاتىر.
ساراپشىلار ورتالىق ازيا وڭىرىندە جەمقورلىققا قارسى رەفورمالاردى ىسكە اسىرۋدىڭ جۇيەلىلىگى، رەتتىلىگى مەن جوسپارلىلىعى بويىنشا كوشباسشىلىقتى اتاپ ءوتتى. «زاڭ جانە ءتارتىپ» يدەولوگياسىن ەنگىزۋ بويىنشا جۇمىس تالقىلاۋدىڭ جەكە ماسەلەسى بولدى. ونىڭ بارىسىندا اگەنتتىك قوعامدا جەمقورلىققا قارسى قۇقىقتىق مادەنيەتتى قالىپتاستىرۋ بويىنشا كەشەندى شارالار قابىلداپ جاتىر.
قوعامدىق پىكىر كوشباسشىلارىنىڭ قاتىسۋىمەن 900 مىڭنان استام ازاماتتى قامتي وتىرىپ، ءارتۇرلى فورماتتاعى 7,5 مىڭعا جۋىق ءىس-شارا وتكىزىلدى، «حالىق زاڭگەرى» جوباسى اياسىندا 150 مىڭ ازاماتقا كەڭەس بەرىلدى، 50 مىڭنان استام مەملەكەتتىك قىزمەتشى جەمقورلىققا قارسى وقىتۋدان ءوتتى.
كەڭەس قورىتىندىسى بويىنشا جەمقورلىققا قارسى كۇرەستىڭ تيىمدىلىگىن ارتتىرۋ، زاڭ ۇستەمدىگىن نىعايتۋ جانە قۇقىقتىق ءتارتىپتى قامتاماسىز ەتۋ بويىنشا ناقتى تاپسىرمالار بەرىلدى.
مەملەكەت باسشىسىنىڭ تاپسىرمالارىن ورىنداۋ شەڭبەرىندە اگەنتتىك ازاماتتاردىڭ ءال-اۋقاتىن ارتتىرۋ ماقساتىندا جەمقورلىقتى جويۋ جونىندەگى جۇمىستى جالعاستىرادى.
اباي وبلىسىندا 9-سىنىپ وقۋشىسى سىبايلاس جەمقورلىققا قارسى ويىن جاساپ شىعارعانىن جازعان بولاتىنبىز.
