انتيكور ءتوراعاسىنىڭ جاڭا ورىنباسارلارى تاعايىندالدى
مەملەكەت باسشىسى قاسىم- جومارت توقايەۆتىڭ وكىمىمەن ۇلان سارقۇلوۆ پەن ماقسات جەبەگەنوۆ جاڭا قىزمەتكە تاعايىندالدى. kazinform بۇل تۋرالى اقورداعا سىلتەمە جاساپ حابارلايدى.
ۇلان سەرىك ۇلى سارقۇلوۆ ق ر سىبايلاس جەمقورلىققا قارسى ءىس- قيمىل اگەنتتىگى (سىبايلاس جەمقورلىققا قارسى قىزمەتتىڭ) ءتوراعاسىنىڭ ءبىرىنشى ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى؛
ماقسات مىرزاحان ۇلى جەبەگەنوۆ ق ر سىبايلاس جەمقورلىققا قارسى ءىس- قيمىل اگەنتتىگى (سىبايلاس جەمقورلىققا قارسى قىزمەتتىڭ) ءتوراعاسىنىڭ ورىنباسارى لاۋازىمىنا تاعايىندالدى.
ۇلان سارقۇلوۆ 1980 -جىلى تۋعان. 2002 -جىلى رەسەي فەدەراتسياسىنىڭ فەدەرالدىق قاۋىپسىزدىك قىزمەتىنىڭ اكادەمياسىن - «زاڭگەر»، 2008 -جىلى رەسەي فەدەراتسياسى پرەزيدەنتىنىڭ جانىنداعى رەسەي مەملەكەتتىك باسقارۋ اكادەمياسىن «مەملەكەتتىك جانە مۋنيتسيپالدى باسقارۋ» ماماندىقتارى بويىنشا بىتىرگەن.
2004-2006 -جىلدارى قازاقستاننىڭ رەسەيدەگى ەلشىلىگىنىڭ اتتاشەسى جانە ءۇشىنشى حاتشىسى قىزمەتتەرىن اتقاردى.
2006 - 2011 -جىلدار ارالىعىندا اقتاۋ قالاسى اكىمى اپپاراتىندا، ماڭعىستاۋ وبلىسى اكىمى اپپاراتىندا جۇمىس ىستەدى.
2013-2015 -جىلدار ارالىعىندا ق ر پرەزيدەنتى اكىمشىلىگىنىڭ ءبولىم مەڭگەرۋشىسى، پارلامەنت اپپاراتىنىڭ شارۋاشىلىق ءبولىمى مەڭگەرۋشىسىنىڭ ورىنباسارى بولدى.
2015 - 2017 -جىلدارى «اقتوبە وبلىسىنىڭ مەملەكەتتىك ساتىپ الۋلار باسقارماسى» مەملەكەتتىك مەكەمەسىن باسقاردى، كوكشەتاۋ قالاسى اكىمىنىڭ ورىنباسارى قىزمەتىن اتقاردى.
2022 -جىلعى 21-ساۋىردەن وسى تاعايىنداۋعا دەيىن قر سىبايلاس جەمقورلىققا قارسى ءىس- قيمىل اگەنتتىگى (سىبايلاس جەمقورلىققا قارسى قىزمەت) ءتوراعاسىنىڭ ورىنباسارى بولدى.
ماقسات جەبەگەنوۆ ق ر ۇلتتىق قاۋىپسىزدىك كوميتەتىنىڭ اكادەمياسىن «قۇقىقتانۋ» ماماندىعى بويىنشا بىتىرگەن
2002-2022 -جىلدار كەزەڭىندە ۇلتتىق قاۋىپسىزدىك ورگاندارىندا، ونىڭ ىشىندە الماتى وبلىسى بويىنشا ۇ ق ك دەپارتامەنتىنىڭ ءتۇرلى باسشىلىق لاۋازىمدارىندا قىزمەت اتقاردى.
2022 -جىلعى 24-مامىر مەن 28-شىلدە ارالىعىندا سىبايلاس جەمقورلىققا قارسى ءىس- قيمىل اگەنتتىگىنىڭ (سىبايلاس جەمقورلىققا قارسى قىزمەت) الماتى وبلىسى بويىنشا دەپارتامەنتىنىڭ باسشىسى قىزمەتىنە تاعايىندالدى.
2022 -جىلعى 28-شىلدەدەن وسى تاعايىنداۋعا دەيىن ق ر سىبايلاس جەمقورلىققا قارسى ءىس- قيمىل اگەنتتىگىنىڭ (سىبايلاس جەمقورلىققا قارسى قىزمەت) جەتىسۋ وبلىسى بويىنشا دەپارتامەنتىنىڭ باسشىسى بولدى.
