انتيكور اباي وبلىستىق كوشى-قون قىزمەتى باسقارماسىنىڭ باسشىسىنا قاتىستى تەرگەۋدى اياقتادى
استانا. KAZINFORM - اباي وبلىسىنىڭ سىبايلاس جەمقورلىققا قارسى قىزمەتى وبلىستىق پوليتسيا دەپارتامەنتى كوشى-قون قىزمەتى باسقارماسىنىڭ باسشىسىنا قاتىستى تەرگەۋدى اياقتادى.
ءمالىم بولعانداي، كوشى-قون قىزمەتى باسقارماسىنىڭ باسشىسى ءوزىنىڭ قاراماعىنداعىلار ارقىلى اۋداندىق قىزمەتكەردەن ءوز بولىمشەسىنە اۋىسقانى ءۇشىن ايتارلىقتاي مولشەردە پارا الۋ بويىنشا كۇدىككە ىلىنگەن.
«جوعارىدا اتالعان بارلىق لاۋازىمدى تۇلعالار پارا الۋ فاكتىسى بويىنشا قىلمىستىق جاۋاپكەرشىلىككە تارتىلادى. اعىمداعى جىلدىڭ 20-مامىرىندا وبلىس پروكۋراتۋراسى قىلمىستىق ءىستى سوتقا بەردى»، - دەلىنگەن حابارلامادا.
قىلمىستىق- پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
