انتالياداعى جامبىل اتىنداعى ساياباقتا دومبىرا ەسكەرتكىشى ورناتىلدى - شەتەلدەگى قازاق باسپا ءسوزى

Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قىتايلىق دروندار 6000 مەتر بيىكتىكتەگى ەۆەرەست تاۋىنا زاتتار جەتكىزدى - «حالىق گازەتى»

5-ماۋسىمدا تانىمال ۇشقىشسىز ۇشاق كومپانياسى Shenzhen Dajiang Innovation Technology Co.، Ltd جاريالاعان مالىمەتتەرگە سايكەس، جاقىندا كومپانيا باسقا مەكەمەلەردىڭ كومەگىمەن دجومولۋنگما(ەۆەرەست) تاۋىنىڭ نەپال جاعىندا ازاماتتىق درونداردىڭ تەڭىز دەڭگەيىنەن اسا بيىكتىكتە زات تاسۋ سىناعىن اياقتادى، دەپ حابارلايدى قىتايدىڭ «حالىق گازەتى».

قىتايلىق باسىلىمنىڭ كەلتىرگەن دەرەكتەرىنە سۇيەنسەك، بۇل سونداي- اق تەڭىز دەڭگەيىنەن 5300 مەتردەن 6000 مەترگە دەيىنگى بيىكتىكتە ازاماتتىق درونداردىڭ قوس باعىتتا زات تاسىمالى بويىنشا الەمدەگى العاشقى سىناعى. ول ازاماتتىق درونداردى ەڭ جوعارى بيىكتىكتە تاسىمالداۋ بويىنشا رەكورد ورناتتى.

سونىمەن قاتار وسى اپتادا «حالىق گازەتى» باسىلىمىندا «ۆيزاسىز رەجيمنىڭ ىقپالىمەن قىتايعا ساياحاتتايتىن شەتەلدىكتەر سانى كوبەيدى» دەگەن تاقىرىپتاعى اقپارات جارىق كوردى.

قىتايلىق باسىلىمنىڭ دەرەگىنشە، شەتەلدىكتەردىڭ قىتايعا كەلۋىن جەڭىلدەتۋگە باعىتتالعان «72/144 ساعاتتىق ترانزيتتىك ۆيزاسىز رەجيم» سياقتى ءبىرقاتار شارانىڭ ارقاسىندا شەتەلدىكتەردىڭ قىتايعا ساپارلارى قىزا تۇسكەن.

ۇلتتىق يمميگراتسيا باسقارماسى 5-شىلدەدە وسى جىلدىڭ ءبىرىنشى جارتىجىلدىعىندا بۇكىل ەل بويىنشا ءارتۇرلى پورتتاردان 14,635 ميلليون شەتەلدىك كىرگەنىن حابارلادى، بۇل وتكەن جىلدىڭ سايكەس كەزەڭىمەن سالىستىرعاندا %152,7 عا وسكەن. ولاردىڭ ىشىندە ەلگە ۆيزاسىز كىرگەندەر 8,542 ميلليون ادام بولدى، بۇل وتكەن جىلدىڭ سايكەس كەزەڭىمەن سالىستىرعاندا %190,1 عا ءوستى.

«2024 -جىلدىڭ ءبىرىنشى جارتىجىلدىعىندا بەيجىڭ پورتى بارلىعى 307000 شەتەلدىك تۋريسكە ۆيزاسىز رەجيم قىزمەتىن كورسەتتى جانە 33700 شەتەلدىك تۋريسكە 144 ساعاتتىق ترانزيتتىك ۆيزاسىز رەجيم بەردى، بۇل وتكەن جىلدىڭ سايكەس كەزەڭىمەن سالىستىرعاندا تيىسىنشە 10,12 ەسە جانە 7,24 ەسە ءوستى»، دەپ جازدى قىتايلىق ب ا ق.

يسلام كەڭەسى ءتوراعاسى مەن قازاقستان سەناتى ءتوراعاسى ب ر ي ك س وتىرىسى اياسىندا كەزدەستى - Parstoday

سانكت- پەتەربۋرگتە بريكس سپيكەرلەرىنىڭ كەزدەسۋى ءوتىپ جاتىر. مۇحامماد باقەر قاليباف پەن قازاقستان سەناتىنىڭ ءتوراعاسى ماۋلەن اشىمبايەۆ سانكت- پەتەربۋرگتە وتكەن ب ر ي ك س سپيكەرلەرىنىڭ كەزدەسۋى اياسىندا كەزدەسىپ، اڭگىمەلەستى.

بۇل تۋرالى وسى اپتادا يراننىڭ «Parstoday» اقپارات اگەنتتىگى دە حابارلادى.

«ماۋلەن اشىمبايەۆ قازاقستان مەن يران اراسىنداعى قارىم-قاتىناستار كوپتەگەن سالالاردا قارقىندى دامىپ كەلە جاتقانىن اتاپ ءوتتى»، دەپ جازدى يراندىق ب ا ق.

ايتا كەتەيىك، وتكەن اپتادا «Parstoday» اقپارات اگەنتتىگىندە «قازاقستان ەلشىسى يران پرەزيدەنتىنىڭ مىندەتىن اتقارۋشىعا سەنىم گراموتاسىن تاپسىردى» دەگەن تاقىرىپتاعى اقپارات جاريالانعان بولاتىن.

قازاقستان ەلشىسىنىڭ سەنىم گراموتاسىن يران پرەزيدەنتىنىڭ مىندەتىن اتقارۋشى موحامماد موحبەرعا تاپسىرۋ راسىمىندە، موحامماد موحبەر سولتۇستىك- وڭتۇستىك ءدالىزىنىڭ قۇرىلۋى يران مەن قازاقستان جانە ايماقتاعى باسقا ەلدەر اراسىنداعى ىنتىماقتاستىقتى ىلگەرىلەتۋگە ۇلكەن اسەر ەتەدى، دەگەن. ال قازاقستان ەلشىسى ەكى ەلدىڭ جەكە سەكتورلارىن بەلسەندىرۋ ءوزارا الەۋەتتى جانداندىرۋ ءۇشىن ماڭىزدى ەكەنىن ايتقان.

انتالياداعى ساياباققا دومبىرا ەسكەرتكىشى ورناتىلدى - TRT

انتالياداعى جامبىل جابايەۆ اتىنداعى ساياباقتا ءداستۇرلى مۋزىكالىق اسپاپ دومبىرا ەسكەرتكىشى ورناتىلدى، دەپ حابارلايدى تۇركيا راديو تەليەۆيزيا پورتالى.

تۇركيالىق ب ا ق- تىڭ كەلتىرگەن مالىمەتىنە سۇيەنسەك، كەپەز مۋنيتسيپاليتەتىنىڭ ۇيىمداستىرۋىمەن وتكەن شاراعا انتاليا گۋبەرناتورى حۋلۋسي شاحين، قازاقستاننىڭ تۇركياداعى ەلشىسى ەركەبۇلان ساپييەۆ، كەپەز قالاسىنىڭ ءمەرى مەسۋت كوجاگوز، انتاليادا تۇراتىن قازاقستاندىقتار مەن تۇرىك اعايىندار قاتىستى.

اتالعان ءىس- شاراعا قاتىسقان گۋبەرناتور شاحين بەتاشار سوزىندە «دومبىرا كۇنى» شاراسى اياسىندا قازاقستان حالقىمەن قاۋىشقانىنا قۋانىشتى ەكەنىن ايتقان.

دومبىرانىڭ انادولىداعى باعلاما، ساز، كۋرا جانە تامبۋر اسپاپتارىنىڭ اتاسى ەكەنىن تۇسىندىرگەن شاحين «تۇرىك مادەنيەتى مىڭداعان جىلدار بويى كەڭ تەرريتورياعا تارالىپ، قۇرلىقتار اراسىنداعى ۇلكەن باۋىرلاستىق كوپىرى بولدى» دەدى.

«وكىلەتتى ەلشى ساپيەۆ اپتاپ ىستىققا قاراماستان باۋىرلاس ەكى ەل وكىلدەرىنىڭ ساياباقتا باس قوسقانىنا قۋانىشتى ەكەنىن اتاپ ءوتتى. ساپيەۆ «دومبىرا قازىر قازاقتىڭ اسپابى عانا ەمەس، بۇكىل تۇرىك الەمىنىڭ سيمۆولى بولىپ تابىلادى. ورناتىلعان ءمۇسىن ەندى بالالارىمىز بەن ۇرپاقتارىمىزعا باۋىرمالدىقتىڭ، ىنتىماق پەن بىرلىكتىڭ سيمۆول بولادى» دەدى»، دەپ جازادى تۇركيالىق باسىلىم.

سونداي- اق وسى اپتادا «TRT» باسىلىمىندا «ستامبۋلدا «دومبىرا كۇنى» اتاپ ءوتىلدى» دەگەن تاقىرىپتاعى اقپارات جارىق كوردى.

قازاقستاننىڭ ستامبۋلداعى باس كونسۋلدىعى ستامبۋلدا «ۇلتتىق دومبىرا كۇنىن» اتاپ ءوتتى.

تۇركيالىق ب ا ق- تىڭ دەرەگىنشە، اباي الاڭىنداعى شارادا الدىمەن تۇركيا مەن قازاقستاننىڭ مەملەكەتتىك ءانۇراندارى شىرقالدى. قازاقستاننىڭ ستامبۋلداعى باس كونسۋلى نۇريددين امانقۇل وسىندا سويلەگەن سوزىندە دومبىرانى قازاق حالقىنىڭ مۇراسى رەتىندە كەلەشەك ۇرپاققا جەتكىزۋدىڭ ماڭىزدىلىعىنا توقتالعان. شىلدە ايىنىڭ ءبىرىنشى جەكسەنبىسىنىڭ «دومبىرا كۇنى» رەتىندە تويلاناتىنىن ايتقان امانقۇل ستامبۋلدىڭ زەيتينبۋرنۋ مەن باگجىلار اۋداندارىندا اشىلعان دومبىرا كۋرستارىنا قىزىعۋشىلىقتىڭ زور ەكەنىن اتاپ كورسەتتى.

شارادا دومبىرا كۋرسىندا وقيتىن وقۋشىلار شاعىن كونتسەرت قويعان.

وزبەكستانعا شەتەلدەن وقۋعا كەلگەندەردىڭ سانى 65 پايىزعا ءوستى - «ءو ز ا»

2024 -جىلدىڭ قاڭتار- مامىر ايلارىندا وزبەكستانعا جالپىى 7400 شەتەل ازاماتى وقۋعا كەلگەن. ستاتيستيكا اگەنتتىگىنىڭ مالىمەتىنشە، بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 2,9 مىڭ ادامعا نەمەسە 65,2 پايىزعا ارتقان، دەپ حابارلايدى وزبەكستاندىق «ءو ز ا» اقپاراتتىق اگەنتتىگى.

اتالعان ب ا ق- تىڭ مالىمەتىنشە، بيىلعى جىلدىڭ قاڭتار- مامىر ايلارىندا وزبەكستانعا وقۋعا كەلگەن شەتەل ازاماتتارىنىڭ قاي ەلدەن كەلگەنى بويىنشا سانى جاريالانعان. اتاپ ايتقان وزبەكستانعا شەتەلدەن كەلىپ وقيتىنداردىڭ ەڭ كوبى ءۇندىستان ەكەن(2241 ادام)، ەكىنشى ورىندا تۇركىمەنستان (1937 ادام). ودان ارى قاراي تاجىكستان(950 ادام)، قىرعىز رەسپۋبليكاسى(450 ادام) بولىپ كەتە بەرەدى. ال قازاقستاننان بيىلعى جىلدىڭ قاڭتار- مامىر ايلارىندا وزبەكستانعا وقۋعا 122 ادام وقۋعا كەلگەن.

پاريج وليمپياداسىنا قاتىسىاتىن شىڭجاڭدىق بەس سپورتشىنىڭ ەكەۋى قازاق - CNR

جاقىندا قىتايدىڭ ءاربىر ءوڭىرى پاريج وليمپياداسىنا قاتىسۋ ءتىزىمىن جاريالادى. 2024 -جىلى پاريجدە وتەتىن الەمدىك دوداعا شىڭجاڭنان 5 سپورتشى قاتىسادى.

بۇل تۋرالى قىتايدىڭ «ورتالىق حالىق راديوسى» اقپاراتتىق اگەنتتىگى شىڭجاڭ ولكەلىك سپورت بيۋروسىنا سىلتەمە جاساپ حابارلادى.

قىتايلىق باسىلىمنىڭ دەرەگىنشە، ءتورت جىلدا ءبىر وتەتىن الەمدىك بايگەگە 25 ميلليوننان استام حالقى بار شىڭجاڭنان 5 سپورتشى ىرىكتەلگەن. ولار قىتايلىق ەرلەر بوكسىنان 80 كەلى سالماقتاعى توقتاربەك تاڭاتحان ۇلى، جاعاجاي ۆولەيبولىنان قىتاي ايەلدەر قۇراماسىنىڭ وكىلى سيا سيني، قىتاي ايەلدەرىنىڭ ساداق اتۋ كومانداسىنان ان شيسۋان، ەركىن كۇرەستەن 97 كەلى سالماقتا قىتاي قۇراماسى ەرلەردىڭ ەركىن كۇرەس شەبەرى قانداسىمىز كابيران ابۋشايمان ۇلى جانە قىتاي ايەلدەر باسكەتبول كومانداسىنىڭ ويىنشىسى ۆۋ تونگتۋنگ.

اۆتور

بەيسەن سۇلتان