انتاليا قالاسىنا اۋىز سۋ تاپشىلىعى قاۋپى ءتوندى

  ەلگە «ءسىبىر» سيكلونىنىڭ كەلۋىنە بايلانىستى ىستانبۇلدا العاشقى قار جاۋدى، دەپ حابارلايدى Kazinform اگەنتتىگى Yenişafak باسىلىمىنا سىلتەمە جاساپ.

تۇركيا قالاسىندا كۇندىز اۋا تەمپەراتۋراسى 10 گرادۋستان استام تومەندەگەن. تەرمومەترلەر پليۋس 15 گرادۋستان پليۋس 3 گرادۋسقا دەيىنگى تومەندىكتى كورسەتكەن. جەلدىڭ ەكپىنى ساعاتىنا 60 شاقىرىمعا جەتەدى.

يەني شافاك گازەتىنىڭ حابارلاۋىنشا، چاملىجا توبەسىندەگى كارتال، پەنديك، تۋزلە، ۇمرانيە، اتاشەحير جانە ۇسكۇدار اۋداندارىندا قار مەن جاڭبىر جاۋىپ جاتىر. سونىمەن قاتار، ىلعالدى قار سيليۆري، بۋيۋكچەكمەجە، بەيليكدۋزۋ، اۆچيلار، ەسەنيۋرت جانە كاگيتحانەدە بايقالادى.

تۇركيانىڭ مەتەورولوگيا باس باسقارماسىنىڭ حابارلاۋىنشا، 10-قاڭتار سارسەنبى كۇنى قار جاۋمايدى، ءبىراق 11-قاڭتار بەيسەنبى كۇنى جاۋىن-شاشىن قايتا باستالادى.

دۇيسەنبى، 15-قاڭتارعا دەيىن اۋا رايى وزگەرمەيدى. پروۆينتسيادا سۋ تاسقىنى جانە كولىكتىڭ بۇزىلۋى مۇمكىن. قاردىڭ ارقاسىندا سۋ قويمالارىنداعى سۋ دەڭگەيى 53 پايىزدان جوعارى كوتەرىلەدى.

وتكەن تامىز ايىندا تۇركيادا سوڭعى 33 جىلدا بولماعان قۋاڭشىلىق بولدى. ەل اۋماعىنىڭ ەداۋىر بولىگى توتەنشە جاعداي ايماعىنا ەندى. قازان ايىنداعى جاعداي بويىنشا ىستامبۇلدى قامتاماسىز ەتەتىن سۋ قويمالارىنداعى سۋ قورىنىڭ دەڭگەيى 48,5 پايىزدان 20,6 پايىزعا تومەندەدى. تۇركيا بيلىگى تۇرعىندارىنان سۋدى ۇنەمدەۋدى سۇراپ، ۇندەۋ جاسادى. انتاليا قالاسىنا اۋىز سۋ تاپشىلىعى قاۋپى ءتوندى.