انگليادا ۇزىندىعى ەكى اۆتوبۋستان اساتىن تەڭىز دينوزاۆرىنىڭ سۇيەگى تابىلدى
استانا. KAZINFORM - عالىمدار جەر بەتىن قۇرلىق دينوزاۆرلارى مەكەن ەتكەن كەزدەگى تەڭىز بەن مۇحيتتاردى كەزگەن ءىرى كەسىرتكەنى انىقتادى، دەپ جازادى BBC.
باۋىرىمەن جورعالاۋشىنىڭ قانشالىقتى ۇلكەن ەكەنىن ناقتى ايتۋ قيىن، ءبىراق تۇمسىعى مەن قۇيرىعىن قوسقاندا ۇزىندىعى شامامەن ەكى اۆتوبۋستىڭ ۇزىندىعىمەن بىردەي بولاتىنى انىقتالدى.
تەڭىز گيگانتى شامامەن 202 ميلليون جىل بۇرىن مەزوزوي ءداۋىرىنىڭ ترياس جانە يۋرا كەزەڭدەرىنىڭ شەكاراسىندا ءومىر سۇرگەن.
ساراپشىلار ونىڭ جاقتارى ۇزىندىعى 25 مەترگە دەيىن جەتەتىن الىپ يحتيوزاۆرعا تيەسىلى ەكەنىن ايتادى.
بۇل وتكەن جىلى دورسەت جاعالاۋىنداعى جارتاستان تابىلعان پلەزيوزاۆردان ۇزىنىراق.
الايدا جويىلىپ كەتكەن تەڭىز الىبىنىڭ ولشەمىن سەنىمدى تۇردە انىقتاۋ ءۇشىن تولىق باس سۇيەگى مەن قاڭقاسىن تابۋ كەرەك.
وسى ۋاقىتقا دەيىن تابىلعان سۇيەكتەردىڭ فراگمەنتى جالپى كارتينانى قۇرامايدى، ءبىراق ولار بەلگىلى ءبىر كولەمدە تۇسىنىك قالىپتاستىردى.
اۆتور
ەركەجان سماعۇلوۆا
