انگليادا ءۇش كىشكەنتاي قىزدى ولتىرگەن قىلمىسكەرگە قاتىستى ۇكىم شىقتى
استانا. KAZINFORM - ساۋتپورتتا ءۇش قىزدى ءولتىردى دەپ ايىپتالعان ەر ادام 50 جىلدان ارتىق مەرزىمگە باس بوستاندىعىنان ايرىلدى، دەپ جازادى Euronews.

بۇعان دەيىن انگليانىڭ ساۋتپورت قالاسىندا بي ساباعى كەزىندە ءۇش قىزدى ءولتىرىپ، تاعى 10 ادامدى جارالاعان 18 جاستاعى اكسەل رۋداكۋبانا بارلىق ايىپتى مويىنداعان بولاتىن. ول كەم دەگەندە 52 جىلعا باس بوستاندىعىنان ايرىلدى.
سۋديا دجۋليان گۋس شارتتى تۇردە مەرزىمىنەن بۇرىن بوساتۋسىز ءومىر بويىنا باس بوستاندىعىنان ايىرۋ جازاسىن تاعايىنداي المايتىنىن ايتتى. ويتكەنى قىلمىس جاسالعان كەزدە رۋداكۋبانا 18 گە تولماعان جانە ول ءوز كىناسىن مويىنداعان.
رۋداكبۋانا شىلدە ايىندا ساۋتپورت قالاسىندا بالالارعا شابۋىل جاساعاندا 17 جاستا بولعان. شامامەن 15 مينۋتقا سوزىلعان شابۋىل كەزىندە ول 9 جاسار اليسا داسيلۆا اگياردى، 7 جاسار ەلسي دوت ستانكومبتى جانە 6 جاسار بەبە كينگتى ءولتىرىپ، تاعى سەگىز بالا مەن ەكى ەرەسەك ادامدى جارالادى.
قايتىس بولعان قىزداردىڭ بىرەۋىندە 122، ەكىنشىسىندە 85 جاراقات بولعان.