انگليا مەكتەپتەرىندە ۇيالى تەلەفونعا تىيىم سالىنادى
تەلەفون ۇستاۋعا تىيىم سالۋعا كەڭەس بەردى، دەپ حابارلايدى قازاقپارات ءتىلشىسى.
«بۇل شارالار دەسترۋكتيۆتى مىنەز- قۇلىق جانە ونلاين بۋللينگپەن كۇرەسۋگە ىقپال ەتەدى، سونىمەن قاتار وقۋشىلاردىڭ زەيىنىن ارتتىرۋعا مۇمكىندىك بەرەدى» دەلىنگەن ۇلى بريتانيانىڭ ءبىلىم مينيسترلىگى تاراتقان مالىمدەمەدە.
ۇيالى تەلەفوندى كۇنى بويعى وقۋ بارىسىندا، ءتىپتى ءۇزىلىس كەزىندە دە پايدالانۋعا تىيىم سالۋ ۇسىنىلىپ وتىر.
ەگەر مەكتەپ بۇل تالاپتى ورىنداماسا، ۇكىمەت بولاشاقتا مىندەتتەلەتىن زاڭنامالىق اكتىنى قابىلداۋ جاعىن قاراستىرادى.
بريتان ءبىلىم ۆەدومستۆوسى بۇعان دەيىن فرانتسيا، يتاليا جانە پورتۋگاليا مەكتەپتەرىندە ۇيالى تەلەفون پايدالانۋعا تىيىم سالىنعانىن، ال ب ۇ ۇ مەكتەپتە سمارتفون پايدالانۋدىڭ قاۋپى تۋرالى ەسكەرتكەنىن اتاپ ءوتتى.
بريتان ۇكىمەتىنىڭ مالىمەتى بويىنشا، انگلياداعى مەكتەپ وقۋشىلارىنىڭ شامامەن ۇشتەن ءبىرى %29 ساباق بارىسىندا ۇيالى تەلەفون پايدالانادى.
