انشىلەرگە ءانى ءار جۇكتەلگەن سايىن اقشا تۇسىرەتىن اقپاراتتىق جۇيە جاسالادى

استانا. KAZINFORM - ەلىمىزدە سايتتاردان ءانى جۇكتەلگەن سايىن، كاراوكەدە ايتىلعان سايىن انشىلەرگە اقشا تۇسەتىن بولادى. ونى رەتتەيتىن ارنايى اقپاراتتىق جۇيە جىل سوڭىنا دەيىن جاسالماق. بۇل تۋرالى ق ر ادىلەت ۆيتسە- ءمينيسترى بەكبولات مولدابەكوۆ ايتتى.

- قازىر انشىلەردىڭ اندەرى كافە، مەيرامحانالاردا ايتىلسا، زاڭ بويىنشا ارنايى پروتسەنت تولەنۋى كەرەك. ءبىراق ونىڭ ءانى قانشا رەت ايتىلعانىن انىقتايتىن اقپاراتتىق جۇيە جوق. ەشبىر ءانشى ءوزىنىڭ ءانى ەل بويىنشا قانشا رەت ايتىلعانىن، تىڭدالعانىن بىلە المايدى. شەتەلدىك ارتىستەرگە قاراساق، ولاردىڭ بۇكىل اقپاراتى iTunes سياقتى اقپاراتتىق جۇيەلەرگە تىركەلەدى. ءبىر ءان جۇكتەلسە، سودان اقشا تۇسەتىن بولعاندىقتان، كونسەرتتەرگە ەمەس، سونداي جوبالارعا كىرۋگە ۇمتىلادى. ءبىزدىڭ جاساعالى وتىرعان اقپاراتتىق جۇيەمىز وسى ماسەلەنىڭ ءبارىن رەتتەپ، مونەتيزاتسياسىن جولعا قويادى، - دەدى ول ۇكىمەت وتىرىسىنىڭ كۋلۋارىندا.

ۆەتسە- ءمينيستردىڭ ايتۋىنشا، جوبانى جىل سوڭىنا دەيىن ىسكە قوسۋ جوسپارلانعان. ازىرشە ناقتى اتاۋى جوق. ونى ادىلەت مينيسترلىگىنە قاراستى «كازپوتەنت» كومپانياسى جۇزەگە اسىرادى.

بۇعان دەيىن ادىلەت ءمينيسترى بۇل سالادا جاساندى ينتەللەكت ەلەمەنتتەرى بار سيفرلىق پلاتفورمانى ەنگىزۋ ماسەلەسى پىسىقتالىپ جاتقانىن ايتتى.