جەتپىس جاستاعى ۋگاندا تۇرعىنى ەگىز ءسابيدى بوساندى

70 جاستاعى ۋگاندالىق ايەل ەكو باعدارلاماسى بويىنشا ەگىز ءسابيدى دۇنيەگە الىپ كەلدى. دارىگەرلەر ءومىر ەسىگىن اشقان ۇل مەن قىزدىڭ دەنى ساۋ ەكەنىن ايتىپ وتىر. Kazinform بۇل تۋرالى euronews-كە سىلتەمە جاساپ حابارلايدى.

سافينا نامۋكۆايا - افريكا قۇرلىعىندا بوسانعان ەڭ كارى ايەل. ول 70 جاسىندا ەگىز كوتەرىپ، دەنى ساۋ بالالاردى دۇنيەگە اكەلدى. ۇل مەن قىز ۋگاندانىڭ كامپال قالاسىنداعى حالىقارالىق ايەلدەر گوسپيتالىندە ومىرگە كەلدى.

مەديتسينالىق مەكەمەنىڭ Facebook پاراقشاسىندا «انا مەن بالالاردىڭ جاعدايى جاقسى»، - دەپ جازىلعان.

ول ەكستراكورپورالدى ۇرىقتاندىرۋ ءتاسىلى ارقىلى بالا كوتەرىپ، كەسىر تىلىگى جولىمەن بوسانعان.

كلينيكا قىزمەتكەرلەرىنىڭ سوزىنشە، سافينا وسى جاسىندا انا اتانىپ، افريكا رەكوردىن ورناتقان.

جاس انا ۋگاندالىق ن ت ۆ تەلەكومپانياسىنا بەرگەن سۇحباتىندا ەگىزدەردى كوتەرۋ وڭايعا سوقپاعانىن جانە بالا كوتەرۋ ءۇشىن جيناعان بار قارجىسىن جۇمساۋعا تۋرا كەلگەنىن ايتتى.