وپەرا ءانشىسى ايگەرىم التىنبەك ەسترادا مەن كلاسسيكا جانرلارىنىڭ باستى ايىرماشىلىعىن اتادى
استانا. KAZINFORM - قازاقستاندىق جاس جۇلدىز، وپەرا ءانشىسى ايگەرىم التىنبەك يتاليادا باسىنان وتكەن ەرەكشە جايدى ايتىپ بەردى.
- قاراشا ايىندا مودەنا قالاسىندا گياۋروۆ اتىنداعى بايقاۋ بولدى. ول الەم بويىنشا دارەجەسى جوعارى بايقاۋلاردىڭ ءبىرى. 27 مەملەكەتتەن قاتىسۋشىلار كەلدى. جالپى باق سىناۋشىلاردىڭ سانى 482 گە جەتتى. بۇل مەنىڭ - ەڭ ءبىرىنشى ۇلكەن بايقاۋىم، وندا ورىن الامىن، ماعان ءرول ۇسىنادى دەپ كۇتپەدىم. يتاليادا ميرەللا فرەني دەگەن كەرەمەت وپەرا ءانشىسى بولعان، الەمدىك ءانشى. بۇل جارىستا ءۇشىنشى ورىن الدىم، وعان قوسا ميرەللا فرەني اتىنداعى جۇلدەنى تابىستادى، - دەدى ايگەرىم التىنبەك.
قازاقستاندىق ءانشى وسى بايقاۋدان سوڭ ميرەللا فرەنيدىڭ قىزىمەن تىلدەسكەنىن جانە ونىڭ ءبىر ءسوزى ەسىنەن شىقپايتىنىن ايتتى.
- ءسىز مەنىڭ انامنىڭ جاس كەزىن ەسىمە ءتۇسىردىڭىز. بۇل - مەن ءۇشىن تەڭدەسسىز تەڭەۋ. ويتكەنى ول الەمدە تەڭدەسى جوق سوپرانولاردىڭ ءبىرى. ول كىسىنىڭ قىزىنان سونداي ءسوز ەستۋ مەن ءۇشىن ءۇشىنشى ورىن ەمەس، گران-پريمەن پارا-پار بولدى، - دەدى ايگەرىم.
ايتا كەتەيىك، ايگەرىم التىنبەك بۇگىنگى تاڭدا يتاليانىڭ پارما قالاسىندا ارريگو بويتو اتىنداعى كونسەرۆاتوريادا 2-كۋرس ستۋدەنتى.
سونىمەن قاتار قازىرگى كەزدە ءتۇرلى الەمدىك بايقاۋلارعا قاتىسىپ، ۇزدىكتەر قاتارىنان كورىنىپ جۇرگەن، بولاشاعىنان زور ءۇمىت كۇتتىرەتىن جاس تالانت.
سونداي-اق ادامدار وپەرا تەاترىنا سۋرەتكە ءتۇسۋ ءۇشىن ەمەس، مۋزىكا تىڭداۋ ءۇشىن بارسا ەكەن. بۇگىندە يتاليانىڭ ارريگو بويتو اتىنداعى پارما كونسەرۆاتورياسىندا ءبىلىمىن جەتىلدىرىپ جاتقان وتاندىق وپەرا ءانشىسى ايگەرىم التىنبەك وسىنداي پىكىر ءبىلدىردى.
- ەلوردادامىزدا Astana Opera تەاترىمىز تۇر. قازىر الەمنىڭ باسقا دا وپەرا تەاترلارىن كورىپ ءجۇرمىن. ءبىزدىڭ تەاترىمىز كەرەمەت. وتە ۇلكەن، اۋقىمدى. ىشىنە كىرسەڭىز، حان سارايىنا كىرگەندەي اسەردە بولاسىز. ارينە، وپەرا تىڭدايتىن ادامدار جوق دەپ ايتا المايمىن، وتە كوپ. ءبىراق، الدە دە كوبەيسە ەكەن دەپ ويلايمىن. وپەرا تەاترىنا سۋرەتكە ءتۇسۋ ءۇشىن ەمەس، كەرەمەت مۋزىكا تىڭداۋعا بارسا ەكەن دەيمىن، - دەدى ايگەرىم التىنبەك Kazinform اگەنتتىگىنە بەرگەن سۇحباتىندا.
وپەرا ءانشىسى ايگەرىم التىنبەك ەسترادا مەن كلاسسيكا جانرلارىنىڭ باستى ايىرماشىلىعىن اتادى.
بۇگىندە يتاليانىڭ ارريگو بويتو اتىنداعى پارما كونسەرۆاتورياسىندا ءبىلىمىن جەتىلدىرىپ جاتقان وتاندىق وپەرا ءانشىسى ايگەرىم التىنبەك ەسترادا مەن كلاسسيكا جانرلارىنىڭ باستى ايىرماشىلىعىن اتادى.
Kazinform اگەنتتىگىنە بەرگەن سۇحباتىندا ول جاس وپەرا انشىلەرىنە كەڭەس بەردى.
- ەڭ ءبىرىنشى مىنەز، تاباندىلىق كەرەك. ويتكەنى، ونەر جولى وتە قيىن. وپەرا - وتە قيىن باعىتتاردىڭ ءبىرى. ءبىر عانا ەمەس بىرنەشە ءتىلدى قاتار مەڭگەرۋىڭ جانە قازاق شىعارمالارىن عانا ەمەس، شەتەل شىعارمالارىن ءوز دەڭگەيىندە ورىنداي ءبىلۋىڭ قاجەت. ال ونىڭ ءبارى ءبىلىمنىڭ ارقاسىندا كەلەدى. ەرىنشەكتىكتى ۇمىتۋ، كۇندىز-ءتۇنى دايىندالۋ، ىزدەنۋ كەرەك. فيزيولوگياڭدى قاتتى تەكسەرۋ قاجەت. ويتكەنى، ساحناعا شىققان كەزدە قورقىنىشتان داۋىس شىقپاي قالۋى نەمەسە پسيحولوگيالىق تۇرعىدا قيىن بولۋى مۇمكىن. ونداي نارسەلەر بولادى. سونىڭ بارىنە دايىن بولۋى كەرەك، - دەدى ول.
دارىندى وپەرا ءانشىسى وكىنىشكە قاراي كوپشىلىك ەسترادا مەن كلاسسيكانى سالىستىرىپ جاتاتىندىعىن ايتادى.
- قازاقستاندا كلاسسيكا مەن ەسترادانىڭ ايىرماشىلىعىن بىلمەي جاتادى. ەكەۋى ەكى ءتۇرلى جانر. ءسوزدىڭ شىنى كەرەك، سەنىڭ تاماعىڭ اۋىرىپ، كوڭىل- كۇيىڭ بولماي تۇرسا، ەسترادا ءانىن فونوگراممامەن ايتىپ شىعۋعا بولادى.
ال كلاسسيكادا 39 گرادۋس تەمپەراتۋرامەن بولساڭ دا، كوڭىل-كۇيىڭ بولماسا دا بارلىعىن ءتىرى، جاندى داۋىستا ايتاسىڭ. داۋىسىمىز كوڭىل- كۇيىمىزگە دە بايلانىستى وزگەرىپ تۇرادى، - دەدى ايگەرىم التىنبەك.
وپەرا ءانشىسى ايگەرىم التىنبەك ءبىر ادامدى كۋميرىم دەپ ايتا المايتىنىن ايتتى.
ناقتى ءبىر وپەرا ءانشىسىن «كۋميرىم» دەپ ايتا المايمىن. بۇگىندە يتاليانىڭ ارريگو بويتو اتىنداعى پارما كونسەرۆاتورياسىندا ءبىلىمىن جەتىلدىرىپ جاتقان وتاندىق وپەرا ءانشىسى ايگەرىم التىنبەك وسىلاي دەيدى.
- ءبىر ادامدى «كۋميرىم» دەپ ايتا المايمىن. بۇرىندارى ماعان اننا نەترەبكو، ميرەللا فرەني، ماريا كاللاس سىندى الەم ارتىستەرى ۇنايتىن. ءبىراق، ۋاقىت وتە كەلە وزگەدەن وزىڭە كەرەكتى، پايداسى تيەتىن دۇنيەنى عانا الاسىڭ. ادامعا قاراپ وتىرىپ، وزىڭە ۇناعان قاسيەتىن، مىنەز-قۇلقىن الاسىڭ. سوندىقتان ناقتى ءبىر ادامدى ايتا المايمىن، - دەدى ول Kazinform اگەنتتىگىنە بەرگەن سۇحباتىندا.
دارىندى وپەرا ءانشىسى ادامدارمەن ءجيى ارالاسقاندى جاقسى كورەتىنىن ايتادى.
- ادامداردى ۇلكەن لاۋازىمىنا، قاراپايىمدىلىعىنا قاراپ ءبولىپ-جارمايمىن. قاراپايىم ادامنان دا وتە كوپ نارسە ۇيرەنۋگە بولادى. سوندىقتان ۇنەمى ادامدارمەن قارىم-قاتىناستا بولۋعا، سويلەسۋگە اشىق اداممىن. ماعان ءار ادامنىڭ ءومىرى قىزىق. ولارمەن اڭگىمەلەسكەندى جاقسى كورەمىن. قازىر يتاليادا بولعاندىقتان بۇل جاقتا دا جاقسى ادامدار جەتكىلىكتى. سول كسىلەرمەن ۋاقىت بار كەزدە، مۇمكىندىك بولعاندا سويلەسىپ، وزىمە كەرەكتى جاقسى قاسيەتتەردى، مىنەز-قۇلىقتى، الداعى ۋاقىتقا كەرەمەت جوسپارلاردى الىپ قالۋعا تىرىسامىن، - دەدى ايگەرىم التىنبەك.
