امەريكالىقتارعا ءتولقۇجاتتارىندا «X» جىنىسىن قولدانۋعا تىيىم سالىندى

استانا. KAZINFORM - ا ق ش- تىڭ ساياساتى ادامنىڭ جىنىسىن وزگەرتۋگە تىيىم سالدى، دەپ حابارلايدى Daily Mail باسىلىمى.

اقش
Фото: voloshenlaw.com

مەملەكەتتىك حاتشى ماركو رۋبيو مەملەكەتتىك دەپارتامەنتكە جىنىسىن «X»، ياعني وزدەرىن گەندەرلىك-وزگەرمەلى دەپ سانايتىنداردىڭ بارلىق ءتولقۇجات وتىنىمدەرىن توقتاتۋدى بۇيىردى.

- قۇراما شتاتتار ساياساتىنا سايكەس ادامنىڭ جىنىسىن وزگەرتۋگە بولمايدى، - دەلىنگەن مەملەكەتتىك حاتشىنىڭ مينيسترلىك قىزمەتكەرلەرىنە ارنالعان ەلەكتروندىق حاتتا.

رۋبيو رەسمي ۇكىمەتتىك قۇجاتتاردا، سونىڭ ىشىندە ءتولقۇجاتتار مەن شەتەلدە تۋۋ تۋرالى كونسۋلدىق ەسەپتەردە ادامنىڭ «گەندەرى» ەمەس، «جىنىسى» جازىلۋى كەرەك دەپ تالاپ ەتتى.

پرەزيدەنت دونالد ترامپ دۇيسەنبىدە ءتولقۇجاتتاردى ۇزارتۋ كەزىندە ولارعا تۇزەتۋلەر ەنگىزۋدى تالاپ ەتەتىن جارلىققا قول قويدى.

ترامپتىڭ بۇيرىعى ىشكى قاۋىپسىزدىك مينيسترلىگى مەن كادرلىق ساياسات باسقارماسىنا دا قاتىستى، ولار جىنىستى اتاۋ كەزىندە كەز كەلگەن تولىقتىرۋلاردى الىپ تاستاپ، مەملەكەتتىك قۇجاتتاردى تۇزەتۋى ءتيىس. بۇل الەۋمەتتىك قامسىزداندىرۋ كارتالارىنا، جۇرگىزۋشى كۋالىكتەرىنە جانە باسقا مەملەكەتتىك سايكەستەندىرۋ كارتالارىنا اسەر ەتۋى مۇمكىن.

جىنىس بويىنشا «X» بەلگىسى دجو بايدەننىڭ پرەزيدەنتتىگى تۇسىندا، مەملەكەتتىك حاتشى ەنتوني بلينكەننىڭ باسشىلىعىمەن جاسالعان.

سوڭعى جاڭالىقتار