امەريكالىق سپورتشى شاۆكاتتىڭ باستى كەمشىلىگىن اتادى

UFC رەيتينگىندە قازاقستاندىق شاۆكات راحمونوۆتان ءبىر ساتى جوعارى تۇرعان امەريكالىق سپورتشى بەلال مۇحاممەد (23-3) وتانداسىمىزعا قاتىستى سۇراققا جاۋاپ بەردى.

جاۋاپ بەرىپ قانا قويماي، شاۆكاتتىڭ باستى كەمشىلىگىن دە اتاعان، - دەپ جازادى firstsportz.com.

ول جويقىن سوققىلارىمەن ەرەكشەلەنەتىن تاماشا سپورتشى. ءبىراق مەن ونىڭ قازىر قورعانىسى مىقتى دەپ ايتا المايمىن. ول سوققى جاساۋ جانە اياقپەن تەبۋدە مىقتى. سوڭعى جەكپە-جەگىندە ستراتەگ ەكەنىن دە بايقاتتى. ول «ۆاندەربويعا» قارسى جەكپە-جەكتە كۇرەسۋ ارقىلى جەڭۋدىڭ جولىن ءبىلدى. ول وسى جەكپە-جەكتە IQ دەڭگەيىنىڭ جوعارى ەكەنىن بايقاتتى. بۇل ونىڭ ءتۇرلى ايلا-ءتاسىل ارقىلى جەڭىسكە جەتە الاتىنىن كورسەتتى، - دەيدى امەريكالىق سپورتشى.

ايتا كەتەيىك، شاۆكات راحمونوۆ پەن بەلال مۇحاممەد جارتىلاي ورتا سالماقتاعى سپورتشىلار. بولاشاقتا ءبىر-بىرىنە قارسىلاس اتانۋى مۇمكىن.