امەريكا عالىمدارى وي كۇشىمەن باسقارىلاتىن جاساندى اياق ويلاپ تاپتى

протез
فوتو: HUGH HERR AND HYUNGEUN SONG

استانا. KAZINFORM - ماسساچۋسەتس تەحنولوگيا ينستيتۋتىنىڭ (MIT) زەرتتەۋشىلەرى قوزعالىس پروتسەسىندە تابيعي جولمەن جانە قالىپتى جىلدامدىقپەن جۇرۋگە مۇمكىندىك بەرەتىن رەۆوليۋتسيالىق پروتەز جاساپ شىعاردى، دەپ جازادى ۆۆس.

بيونيكالىق اياق يەسىنىڭ مي بەلسەندىلىگىن ارتتىرىپ، ونى قوزعالىستى باسقاراتىن ماڭىزدى بۇلشىقەتتەردەگى نەرۆتەرمەن بايلانىستىرادى.

زەرتتەۋ اۆتورى، پروفەسسور حيۋ حەرردىڭ ايتۋىنشا، العاشقى سىناق ناتيجەسى كەرەمەت جانە بولاشاقتا اياق-قول پروتەزىنىڭ جاسالۋىنا ىقپال ەتۋى مۇمكىن.

ماسساچۋسەتس عالىمدارى تىزەدەن تومەن اياعىنان ايرىلعان ادامدارعا جاياۋ جۇرۋگە كومەكتەسۋ ماقساتىن كوزدەدى.

ادەتتە اياقتىڭ امپۋتاتسياسى كەزىندە بۇلشىقەتتىڭ ۇشى بۇرالىپ، پروتەزگە جۇمساق توسەم جاسايدى، بۇل ونى بارىنشا ىڭعايلى پايدالانۋعا مۇمكىندىك بەرەدى.

الايدا، بۇل جۇيكە ۇشتارىن جانە اياقتىڭ تابيعي قوزعالىسىن باقىلاۋ مۇمكىندىگىن جوعالتادى.

протез
فوتو: H. SONG ET AL.

جاڭا تەحنولوگيانى قولدانعان كەزدە الدىمەن امپۋتاتسيا كەزىندە نەمەسە كەيىنىرەك اياقتاعى ماڭىزدى بۇلشىقەت تالشىقتارىن بىرىكتىرۋ ءۇشىن وپەراتسيا جاساۋ كەرەك.

وسىدان كەيىن بۇلشىقەتتەگى ارنايى قوندىرعى روبوتتى باقىلاۋشىعا سيگنال جىبەرەدى، ال ول «اقىلدى» پروتەزگە اياقتى قانشالىقتى بۇگۋ كەرەگىن جانە ءجۇرۋ كەزىندە قانداي كۇش قولدانۋ كەرەگىن ەسەپتەۋگە مۇمكىندىك بەرەدى.

بۇلشىقەت نەرۆتەرىنەن الىنعان اقپارات الدىمەن پروتەزگە، سودان كەيىن پاتسيەنتكە بەرىلەدى، بۇل كادىمگى اياقتىڭ جۇمىسىنا ۇقسايدى.

اۆتور

ەركەجان سماعۇلوۆا

سوڭعى جاڭالىقتار