Amazon ءۇي شارۋاسىن رەتتەيتىن روبوت جاسادى

نۇر-سۇلتان.قازاقپارات -ءۇي شارۋاسىن روبوت اتقارادى. Amazon ادامعا وسىنداي قولقانات جاساپ بەردى، دەپ حابارلايدى «حابار 24».

سىرت ءپىشىنى يتكە ۇقسايتىن قۇرىلعى «استرو» دەپ اتالادى. ول بولمە ءىشىن ءارلى- بەرلى ارالاپ، كۇن ءتارتىبىن جاساپ، جوسپارلاعان ىستەردى يەسىنىڭ ەسىنە سالىپ تۇرادى. ءسىز ءسۇيىپ تىڭدايتىن ءان- كۇيدى دە ءبىلىپ، قوسىپ قويادى. سۋرەتكە دە تۇسىرەدى.

ءۇيدىڭ سىرتىنداعى بەينەكامەرانى باقىلاپ، بولمەلەردى تەكسەرەدى. ءتىپتى ۇيگە بوتەن بىرەۋ كەلسە، تەز ايتا قويادى. گادجەتتىڭ باعاسى 1500 دوللار. ءبىراق ينجەنەرلەر قۇرىلعىنىڭ تىم نازىك ەكەنىن، ۇزاققا شىدامايتىنىن، سوندىقتان بۇل باعا قىمباتتاۋ ەكەنىن العا تارتادى. الايدا وندىرۋشىلەر روبوت بارلىق تەستىدەن ءساتتى ءوتتى دەگەن ءۋاج ايتادى.