پرەزيدەنت پارتيادان شىققانىمەن، AMANAT- تىڭ ستراتەگيالىق باعدارى وزگەرمەيدى دەپ ويلايمىن – توقايەۆ

نۇر-سۇلتان. قازاقپارات - AMANAT ەلىمىزدىڭ ساياسي ومىرىندە ەرەكشە ورنى بار ۇيىم رەتىندە قالا بەرەدى.
None
None

بۇل تۋرالى AMANAT پارتياسىنىڭ سەزىندە پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«پارتيا اتقارۋشى بيلىككە تاۋەلدى بولماسا، وعان حالىقتىڭ سەنىمى نىعايىپ، بەدەلى ارتادى. قازىر ۇيىم ماجىلىستە جانە ءماسليحاتتاردا ەداۋىر باسىمدىققا يە بولىپ وتىر. سوندىقتان ۇكىمەت پەن اكىمدىكتەردىڭ جۇمىسىنا قاتاڭ باقىلاۋ جاساي الادى. پرەزيدەنت پارتيا قاتارىنان شىققانىمەن، ۇيىمنىڭ ستراتەگيالىق باعدارى وزگەرمەيدى دەپ ويلايمىن. AMANAT ەلىمىزدىڭ ساياسي ومىرىندە ەرەكشە ورنى بار ۇيىم رەتىندە قالا بەرەتىنى انىق»، - دەدى قاسىم-جومارت توقايەۆ.

وسى ورايدا پرەزيدەنت ساياساتتاعى ساباقتاستىق ساقتالىپ، پارتيا ەل يگىلىگى ءۇشىن جاساپ جاتقان جۇمىستارىن جالعاستىرا بەرەتىنىن اتاپ ءوتتى.

بۇدان بۇرىن حابارلانعانداي، بۇگىننەن باستاپ پرەزيدەنتتىڭ AMANAT پارتياسىنىڭ ءتوراعاسى رەتىندەگى وكىلەتتىگى توقتادى.

قاسىم-جومارت توقايەۆ AMANAT پارتياسىنىڭ ءتوراعالىعىنا ەرلان قوشانوۆتى ۇسىندى.

بيىل ناۋرىز ايىندا «ADAL» پارتياسىنىڭ ءتوراعاسى سەرىك سۇلتانعالي پارتيانىڭ AMANAT- قا قوسىلۋ شەشىمىن ءتۇسىندىردى.

سوڭعى جاڭالىقتار