AMANAT الەۋمەتتىك ادىلدىكتى ورنىقتىرۋعا ءاردايىم باسا ءمان بەرەدى

نۇر-سۇلتان. قازاقپارات - AMANAT الەۋمەتتىك ادىلدىكتى ورنىقتىرۋعا ءاردايىم باسا ءمان بەرەدى.
None
None

بۇل تۋرالى «AMANAT» پارتياسىنىڭ كەزەكتەن تىس XXIII سەزىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىز جىل باسىنان بەرى بىرنەشە رەت باس قوسىپ وتىرمىز. قازىر ەلىمىزدەگى وزگەرىستەر ەرەكشە قارقىنمەن ءجۇرىپ جاتىر. قاڭتار وقيعاسىنان كەيىن مەملەكەت پەن قوعامدى تۇبەگەيلى جاڭارتۋ ۇدەرىسى باستالدى. AMANAT وسى جۇيەلى وزگەرىستەرگە بەلسەنە اتسالىسۋدا. قولعا الىنعان رەفورمالارعا پارتيا جان-جاقتى قولداۋ كورسەتۋدە. سونىمەن بىرگە «حالىق ۇنىنە قۇلاق اساتىن مەملەكەت» تۇجىرىمداماسىن ءتيىمدى جۇزەگە اسىرۋعا ۇلەس قوسۋدا. جالپى «AMANAT» الەۋمەتتىك ادىلدىكتى ورنىقتىرۋعا ءاردايىم باسا ءمان بەرەدى»، - دەدى ق ر پرەزيدەنتى.

قاسىم-جومارت توقايەۆ مەملەكەتتىلىكتى نىعايتۋ جانە ەل بىرلىگىن بەكەمدەۋ ۇيىمنىڭ ايرىقشا ميسسياسىنىڭ ءبىرى ەكەندىگىن باسا ايتتى.

«وتكەن سەزدە پارتياعا رەبرەندينگ جاساۋ قولعا الىندى. سونداي-اق ونى ينستيتۋتسيونالدىق تۇرعىدان جاڭارتۋ جۇمىسى باستالدى. پارتيا بۇل مىندەتتەردى ورىنداۋعا دەرەۋ كىرىسىپ كەتتى. ناقتى ناتيجە بار. وزگەرىستەردى ءقازىردىڭ وزىندە كورىپ وتىرمىز. وسى قارقىمەن جۇمىستى ودان ارى جالعاستىرۋ كەرەك»، - دەدى مەملەكەت باسشىسى.

سوڭعى جاڭالىقتار