19:40, 02 - ناۋرىز 2022 | GMT +5
«AMANAT» پارتياسى قايتا تىركەۋدەن ءوتتى
نۇر-سۇلتان. قازاقپارات - پارتيانى مەملەكەتتىك قايتا تىركەۋ جۇرگىزىلدى.
بۇل تۋرالى «AMANAT» پارتياسىنىڭ باسپا ءسوز قىزمەتى حابارلادى.
ۇسىنىلعان قۇجاتتار بەلگىلەنگەن تالاپتارعا تولىق سايكەس كەلەدى. قايتا تىركەۋ «زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ تۋرالى» زاڭعا جانە قازاقستان رەسپۋبليكاسىنىڭ باسقا دا نورماتيۆتىك قۇقىقتىق اكتىلەرىنە سايكەس جۇرگىزىلدى.
«AMANAT» پارتياسىندا اتاپ وتكەندەي، قازىرگى ۋاقىتتا ءتيىستى برەندبۋك دايىندالىپ جاتىر. سونداي-اق پارتيانىڭ رەسمي سايتى مەن الەۋمەتتىك جەلىلەردەگى اككاۋنتتارىن ۆيزۋالدى تۇردە جاڭارتۋ جۇمىستارى جۇرگىزىلۋدە.
