امال مەرەكەسى: ماڭعىستاۋداعى وتپان تاۋدا «بىرلىك وتى» جاعىلدى

отпан тау
Фото: Бауыржан Ниязов

  اقتاۋ. KAZINFORM -ماڭعىستاۋداعى وتپان تاۋدا «بىرلىك وتىن» جاعۋ ءراسىمى ءوتتى.

«اداي اتا- وتپان تاۋدا» مەرەكەلىك ءىس- شارالار باستالىپ، «امال - الاشقا ورتاق مەرەكە» شاراسىنا ەلىمىزدىڭ وزگە وڭىرلەرىنەن بولەك وزبەكستان، تۇركيادان مەيماندار كەلىپ قاتىسىپ جاتىر.

«اداي اتا - وتپان تاۋ» رۋحاني- تاريحي مادەني كەشەنى اۋماعىندا ەلۋگە جۋىق كيىز ءۇي تىگىلىپ، سالتاناتتى تۇردە مەرەكەلىك شارالار جالعاسىن تاپتى. سونداي-اق، ۇلتتىق سپورتتىق ويىندار ۇيىمداستىرىلىپ، «اقساراي» مۋزەي كەشەنىمەن تانىسۋ، «قاراشاڭىراق» الاڭىندا ق ر حالىق ءارتىسى روزا رىمبايەۆانىڭ كونسەرتىمەن جالعاسىن تاپتى.

амал мерекесі
Фото: Бауыржан Ниязов

بىرلىك وتىن جاعۋ ءراسىمى ءوتىپ، ەرتەڭ قوساي اتا ۇرپاقتارىنا تابىستالادى.

«وتپان تاۋدا ءداستۇرلى مەرەكە جالعاسىن تاۋىپ كەلەدى. بۇل شارانى وتكىزۋگە اداي ۇرپاقتارى اتسالىسادى. بيىل بۇعان مۇڭال اتا ۇرپاقتارى جاۋاپتى بولعان ەدى. كۇندىز سپورت ويىندارىنان باستالعان جارىستاردىڭ سوڭى مەرەكەگە ۇلاسىپ وتىر. بىرلىك وتى جاعىلعان سوڭ 14-ناۋرىزدا امال مەرەكەسى باستاۋ الادى. كوپشىلىكتىڭ قاتىسۋىمەن وتەتىن مەرەكە ەلدىڭ بىرلىگىن نىعايتۋعا باعىتتالعان»، - دەدى ۇيىمداستىرۋ جۇمىستارىنا جاۋاپتى جارماعامبەت ايتۋاروۆ.

سوڭعى جاڭالىقتار