ۆاليۋتا باعامىنىڭ تۇراقتىلىعىن قامتاماسىز ەتۋ اسا ماڭىزدى جۇمىس - پرەزيدەنت

استانا. KAZINFORM - پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا ۇلتتىق بانكتىڭ جۇمىسىنا باعا بەردى.

Национальный банк Казахстана Қазақстан Ұлттық банкі
فوتو: ادىلەت بەرەمقۇلوۆ/kazinform

- ۇلتتىق بانك جۇمىسىن مانداتىنا ساي جۇرگىزىپ وتىر، بۇل تۇسىنىكتى. جۇمىس اعىمدىق رەجيمدە ءجۇرىپ جاتىر. ارينە، ماسەلەلەر بار. ءبىرىنشى كەزەكتە ادامداردى ۇلتتىق ۆاليۋتا باعامىنىڭ قۇبىلمالىلىعى الاڭداتادى. ساراپشىلار امەريكا دوللارىنىڭ نىعايۋىنا بايلانىستى تەڭگە باعامىنا قىسىم بولادى دەپ كۇتىپ وتىر. ۆاليۋتا باعامىنىڭ تۇراقتىلىعىن قامتاماسىز ەتۋ، جالپى ينفلياتسيانى اۋىزدىقتاۋ - اسا ماڭىزدى جۇمىس. ءتىپتى قازىر نەگىزگى جۇمىس دەپ ايتۋعا دا بولاتىن شىعار، - دەدى قاسىم-جومارت توقايەۆ.

پرەزيدەنت ۇلتتىق بانككە بۇل باعىتتا ۇكىمەتپەن تىعىز ارىپتەستىكتە جۇمىس جۇرگىزۋدى تاپسىردى.

- ءبىز ەركىن نارىقتامىز، ءوز بەتىمىزبەن جۇرەمىز دەگەن ۇستانىم قازىر جۇمىس ىستەمەيدى. ويتكەنى احۋالدىڭ ءوزىن قالىپتى دەپ ايتۋعا كەلمەيدى. بۇل تۋرالى كەيىنىرەك ايتامىن، - دەدى مەملەكەت باسشىسى.

ايتا كەتەيىك ەلوردادا پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.

اۆتور

ەسىمجان ناقتىباي

سوڭعى جاڭالىقتار