دەمالىس كۇندەرى اۋا رايى قانداي بولادى؟
استانا. KAZINFORM - قازگيدرومەت 22، 23، 24-تامىزعا ارنالعان اۋا رايى بولجامىن جاريالادى.
سولتۇستىك-باتىس سيكلونى جانە اتموسفەرالىق فرونتتار اسەرىنەن قازاقستاننىڭ باسىم بولىگىندە جاڭبىر جاۋىپ، نايزاعاي وينايدى. كەيبىر جەرلەردە قاتتى جاڭبىر، بۇرشاق جاۋۋى دا مۇمكىن.
ال قازاقستاننىڭ باتىسىنا انتيتسيكلون اسەر ەتەدى. سوندىقتان جاۋىن-شاشىن جاۋمايدى، كەرىسىنشە اۋا تەمپەراتۋراسى كوتەرىلەدى. كۇندىز اۋا تەمپەراتۋراسى 34-39 گرادۋسقا دەيىن جەتىپ، قاتتى ىستىق بولادى.
