دەمالىس كۇندەرى اۋا رايى قانداي بولادى؟

وڭتۇستىكتە كۇن جىلى بولادى

ەڭ جىلى اۋا رايى قازاقستاننىڭ وڭتۇستىگىندە بولجانىپ وتىر. سينوپتيكتەردىڭ ايتۋىنشا، تۇندە اۋا تەمپەراتۋراسى 7+17+ گرادۋس، كۇندىز 18+27+ گرادۋس بولادى.

وڭتۇستىك-شىعىستا دا كۇن جىلىنادى. تۇندە اۋا تەمپەراتۋراسى 7+15+ گرادۋسقا دەيىن كوتەرىلسە، تاۋلى جەرلەردە 0+5 گرادۋس بولادى. كۇندىز 17+25+ گرادۋس، تاۋلى جەرلەردە 10+15+ گرادۋس بولادى.

ەلدىڭ شىعىسىندا دا كۇن جىلىنادى. تۇندە اۋا تەمپەراتۋراسى 5+8- گرادۋسقا، كۇندىز 9+17- گرادۋسقا دەيىن كوتەرىلەدى.

قاي وڭىرلەردە نوسەر، قار جاۋادى؟

7-قاراشادان باستاپ سولتۇستىك وڭىرلەرگە سولتۇستىك تسيكلون ىقپال ەتەدى. ال 8-قاراشادان باستاپ قازاقستان اۋماعى ارقىلى وڭتۇستىك سيكلون وتەدى.

ەلدىڭ باسىم بولىگىندە جاڭبىر مەن قار تۇرىندە جاۋىن-شاشىن بولجانىپ وتىر. وڭتۇستىكتە نەگىزىنەن جاڭبىر جاۋادى.

سينوپتيكتەردىڭ بولجامىنشا، جاۋىن-شاشىن مىنا كۇندەرى كۇشەيەدى:

8-قاراشادا باتىس وڭىرلەردە قاتتى جاڭبىر جاۋادى؛

9-قاراشادا سولتۇستىك-باتىس پەن باتىستا جاڭبىر ارالاس قار جاۋادى؛

9-قاراشادا كۇندىز ەلدىڭ وڭتۇستىگىندە قاتتى جاڭبىر بولجانىپ وتىر.

قاي وڭىرلەردە كۇن سۋىتادى؟

قازاقستاننىڭ باتىسىندا تۇندە اۋا تەمپەراتۋراسى 8+3- گرادۋسقا دەيىن تومەندەيدى، كۇندىز 2+10- گرادۋس بولادى.

سولتۇستىك-باتىستا تۇندە 6+3- گرادۋس، كۇندىز 3+5- گرادۋس بولادى. قالعان وڭىرلەردە اۋا تەمپەراتۋراسى ايتارلىقتاي وزگەرمەيدى.

ەل اۋماعىندا جەل كۇشەيەدى. تۇندە جانە تاڭەرتەڭ كەي جەرلەردە تۇمان ءتۇسىپ، سولتۇستىك-باتىس پەن سولتۇستىكتە كوكتايعاق بولادى.

قازاقستاندا قاراشادا اۋا رايى قانداي بولادى؟

بۇعان دەيىن سينوپتيكتەر قازاقستاندا 2026-جىلعى قاراشا ادەتتەگىدەن جىلى بولاتىنىن بولجاعان ەدى. الايدا بۇل جاعداي اي بويى تۇراقتى بولمايدى.

قاراشادا جاڭبىر، قار ارالاس جاڭبىر جاۋادى، بوران سوعىپ، اۋا تەمپەراتۋراسى كۇرت وزگەرۋى مۇمكىن. كەي كۇندەرى ەلدىڭ سولتۇستىگىندە، شىعىسىندا جانە ورتالىعىندا تۇنگى اۋا تەمپەراتۋراسى 18 گرادۋسقا دەيىن جەتۋى ىقتيمال.