پاۆلودارلىق كارديولوگتار ناۋقاستىڭ وكپە ارتەرياسىنا ەلىمىزدە جوق وتا جاسادى

پاۆلودار. KAZINFORM - ناۋقاس كولىك اپاتىنان پايدا بولعان جاراقاتتان ۇزاق ۋاقىت ازاپ شەككەن. وعان سيرەك حيرۋرگيالىق ەم - ترومبەكتوميا جاسالدى.

63 جاستاعى ازامات وڭىرلىك كارديولوگيالىق ورتالىققا وكپە ارتەريالارىنىڭ جالپى ترومبوەمبولياسى دياگنوزىمەن شۇعىل تۇردە جاتقىزىلدى.

پاتسەنتتىڭ ايتۋىنشا، وتكەن جىلدىڭ جەلتوقسان ايىندا جول اپاتىنا ءتۇسىپ، № 1-پاۆلودار قالالىق اۋرۋحاناسىنىڭ جاراقات بولىمىندە ەمدەلگەن.

«كارديولوگيا ورتالىعىندا ناۋقاستان وكپە ترومبەمبولياسىنىڭ (تەلا) بەلگىلەرى انىقتالدى. وڭ جاق وكپە سەگمەنتىندە ينفاركت پنەۆمونياسى پايدا بولعان (وكپە ارتەرياسىنىڭ تارماقتارىندا قان ۇيىعان). جۇرەكتىڭ وڭ جاق قارىنشاسىندا قان ۇيىپ، جۇرەكتىڭ وڭ جاق بولىگى ۇلعايعان. وكپە ەمبولياسىنىڭ جەدەل دامۋىنا ناۋقاستىڭ جامباسىنىڭ سىنۋى، وكپەنىڭ قاتتى سوققى الۋى، ۇزاق ۋاقىت بويى تومەن قوزعالىستا بولۋى اسەر ەتكەن. وعان حيرۋرگيالىق ەم - ترومبەكتوميا جاسالدى. وكپە ارتەريالارىنان ءىرى قان ۇيىعىشتارى الىندى»، دەپ حابارلادى وڭىرلىك دەنساۋلىق ساقتاۋ باسقارماسىنىڭ باسپا ءسوز قىزمەتىنەن.

بۇگىندە ناۋقاس مامانداندىرىلعان بولىمشەدە ەم الىپ جاتىر. ءوزىن جاقسى سەزىنىپ، ۇيىنە شىعۋعا دايىندالۋدا.

ايتا كەتۋ كەرەك، قازاقستاندا اشىق ادىسپەن وكپە ارتەرياسىنا ترومبوەكستراكسيا جاساۋ پاۆلودارداعى كارديولوگيالىق ورتالىقتا عانا جۇرگىزىلەدى.

2021 -جىلدان بەرى مۇندا 40 قا جۋىق ترومبوەكستراكسيا جاسالعان.