پاۆلودارلىق جولاۋشىلاردىڭ قوعامدىق كولىككە شاعىمى كوپ

پاۆلودار. KAZINFORM - وتكەن جىلى وڭىردەگى جولاۋشىلار اراسىندا قوعامدىق كولىك قىزمەتىنە قاتىستى الەۋمەتتىك ساۋالناما جۇرگىزىلگەن.

автобус
فوتو: ارتەم ۆيكتوروۆ

جاۋاپ بەرۋشىلەردىڭ %62 ى قالا ىشىندە جۇرەتىن قوعامدىق كولىكتەردىڭ جۇمىسى ناشار ۇيىمداستىرىلاتىنىنا شاعىمدانعان.

ق ر ساۋدا جانە ينتەگراتسيا مينيسترلىگى تۇتىنۋشىلار اراسىندا ساۋالناما جۇرگىزىپ، پاۆلودارلىقتاردىڭ باسىم بولىگى قوعامدىق كولىكتىڭ ساپاسىن ناشار باعالايتىنىن انىقتاعان. قاتىسقان 500 ادامنىڭ %62 ى اۆتوبۋستار مەن ترامۆايلاردىڭ قىزمەتىنە كوڭىلى تولمايتىنىن جەتكىزگەن.

- پاۆلودارلىق تۇرعىندار ءتۇرلى سالاداعى قىزمەت كورسەتۋدىڭ دەڭگەيىن باعالادى. جاۋاپ بەرۋشىلەردىڭ باسىم بولىگى جولاۋشىلار تاسىمالىن ءالى دە جۇيەلى ەتىپ، قىزمەت كورسەتۋ دەڭگەيىن كوتەرۋ كەرەك دەپ ەسەپتەيدى. جۇرتشىلىق اۆتوبۋستاردىڭ كوپ جاعدايدا لىق تولى بولاتىنىنا، جۇرگىزۋشىلەردىڭ، كوندۋكتورلار مەن باقىلاۋشىلاردىڭ دورەكى قىلىق تانىتاتىنىنا شاعىمداندى، - دەيدى پاۆلودار وبلىسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى نۇرسۇلۋ اۋباكىروۆا.

بۇعان دەيىن پاۆلودارعا «سەرگەك» كامەرالارى قويىلۋى مۇمكىن ەكەنىن جازعانبىز.

اۆتور

مۇرات اياعان

سوڭعى جاڭالىقتار