پاۆلوداردا Zerek-2 كامەراسى قىسقا ۋاقىتتا 60 ميلليون تەڭگەنىڭ زاڭ بۇزۋشىلىعىن

پاۆلودار. KAZINFORM - اقپاراتتىق جۇيەلەر 20-مامىردان باستاپ پاۆلودار-ومبى جانە پاۆلودار- قالباتاۋ اۆتوجولدارىندا جۇمىس ىستەي باستاعان.

نەبارى 10 كۇننىڭ ىشىندە جۇرگىزۋشىلەرگە 60 ميلليون تەڭگەدەن استام ايىپپۇل سالىندى.

ZEREK-2 جۇيەسىنىڭ سەرتيفيكاتتالعان اپپاراتتىق-باعدارلامالىق كەشەنى بۇعان دەيىن پاۆلودار-استانا باعىتىندا جۇمىس ىستەپ تۇرسا، ەندى ول ومبى مەن قالباتاۋ باعىتتارىنداعى كۇرە جولداردىڭ بويىندا دا ورناتىلعان.

- بۇل كەشەن كولىك قۇرالدارىنىڭ قوزعالىس جىلدامدىعىن اۆتوماتتى رەجيمدە ولشەۋگە، قۇقىق بۇزۋشىلىقتاردى تىركەۋگە، مەملەكەتتىك تىركەۋ نومىرلىك بەلگىلەرىن تانۋعا جانە ودان ءارى اقپاراتتى ق ر باس پروكۋراتۋراسىنىڭ اكىمشىلىك وندىرىستەرىنىڭ ءبىرىڭعاي تىزىلىمىنە دەرەكتەر بازاسىنا بەرۋگە ارنالعان. وندا ايىپپۇل تولەۋ قاجەتتىلىگى تۋرالى نۇسقاما ەلەكتروندىق تاسىلمەن تىركەلەدى. پاۆلودار-ومبى، پاۆلودار-قالباتاۋ اۆتوجولدارىندا 20-مامىردا ورناتىلعان ZEREK-2 جۇيەسى اينالدىرعان 10 تاۋلىكتىڭ ىشىندە جالپى سوماسى 60 ميلليون تەڭگەدەن اساتىن جول ءجۇرۋ ەرەجەلەرىن بۇزۋشىلىقتى انىقتادى، - دەپ حابارلادى پاۆلودار وبلىسى پوليتسيا دەپارتامەنتى اكىمشىلىك پوليتسياسىنىڭ باستىعى بوريس الىمبايەۆ.

ماسەلەن، پاۆلودار-ومبى اۆتوجولىندا Toyota lc 300 اۆتوكولىگىنىڭ جۇرگىزۋشىسى بەلگىلەنگەن قوزعالىس جىلدامدىعىنىڭ شەگىنەن 92 ك م/ساعاتقا اسىپ تۇسكەن. كولىكتىڭ كامەرادا تىركەلگەن جىلدامدىعى - ساعاتىنا 192 ك م. ال بۇل جولدا رۇقسات ەتىلگەن جىلدامدىق - ساعاتىنا 100 ك م.

ەسكە سالا كەتەيىك، جامبىل وبلىسىندا جول ەرەجەسىن بۇزعان بورىشكەرلەردەن 49 ميلليون تەڭگە ءوندىرىلدى.