پاۆلوداردا ەسىرتكىگە ماس جۇرگىزۋشى جولاۋشىلاردى تاسىمالداعان

استانا. قازاقپارات - پاۆلوداردا ەسىرتكىگە ماس اۆتوبۋس جۇرگىزۋشىسى جولاۋشىلاردى تاسىمالداعانى بەلگىلى بولدى، دەپ حابارلايدى El.kz اقپارات اگەنتتىگى.

بۇگىن ساعات 09:15 شاماسىندا وبلىس ورتالىعىندا قامزين كوشەسى، 35-مەكەنجايىندا مارشرۋت بويىنشا كەلە جاتقان اۆتوبۋس جۇرگىزۋشىسى توقتاتىلعان. اڭگىمەلەسۋ كەزىندە پوليتسەي ونىڭ ءىس-قيمىلىنىڭ وعاشتىعىن بايقادى.

ساراپتاما ناتيجەلەرى بويىنشا اۆتوبۋس جۇرگىزۋشىسى ەسىرتكىگە ماس كۇيىندە بولدى. جۇرگىزۋشىگە قاتىستى اكىمشىلىك ماتەريال تولتىرىلىپ، قاراۋ ءۇشىن سوتقا جىبەرىلدى. اۆتوبۋس جەلىدەن الىندى، - دەدى پاۆلودار قالاسى پ ب پاترۋلدىك پوليتسيا باتالونىنىڭ كومانديرى ايدار سلامبەكوۆ.

ايتا كەتسەك، وسى جىلدىڭ وزىندە پاۆلودار وبلىسىندا ماس كۇيدە كولىك تىزگىندەگەن 787 جۇرگىزۋشى جازالانعان بولاتىن.