پاۆلوداردا ەسكىرگەن سالت-ءداستۇردى ناسيحاتتاۋعا باسىمدىق بەرىلەدى

Наврўз
Фото: Астана ҳокимлиги

 استانا. KAZINFORM - بيىل پاۆلودار وبلىسىنىڭ اكىمدىگى ناۋرىز مەرەكەسىن اتاپ ءوتۋ بارىسىندا ۇلتتىق سالت-داستۇرلەردى ناسيحاتتاۋعا باسىمدىق بەرۋدى جوسپارلاپ وتىر. ءار اۋداندا ەسكىرگەن داستۇرلەر جۇرت نازارىنا ۇسىنىلىپ، بارىنشا جاڭعىرتىلماق.

ورتالىق كوممۋنيكاتسيالار قىزمەتىندە وتكەن بريفينگىدە پاۆلودار وبلىسى مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى مەدەت تاۋاسقان ايماقتا جوسپارلانعان ءىس-شارالاردى ايتىپ بەردى.

- ايماعىمىزدا «ۇلى دالانىڭ ۇلى ەسىمدەرى» عىلىمي-پراكتيكالىق كونفەرەنتسياسى، «ۇرشىق fest» فەستيۆالى، «التىن شاڭىراق» مەرەكەلىك ءىس- شاراسى، «تاقيالى قىز - ترەندتە» اتتى تاقيا تىگۋ بويىنشا بايقاۋ، «كيەلى كيمەشەك» كورمەسى سياقتى ۇلكەن مەرەكەلىك ءىس- شارالار ۇيىمداستىرىلادى. بيىلعى ناۋرىزدىڭ ەرەكشەلىگى - ءبىز سالت-داستۇرگە كەڭىنەن جانە اۋقىمدى تۇردە توقتاعاندى ءجون كورىپ وتىرمىز. ءاربىر ەلدى مەكەندە قازاقتىڭ ءبىر سالت-ءداستۇرىن جاڭارتىپ، ونى وقۋشىلاردان باستاپ زەينەتكەرلەرگە دەيىن ءتۇسىندىرۋ جۇمىستارىن جۇرگىزەمىز، - دەدى م. تاۋاسقان.

مۇنداي باستاما وڭىردە بيىل اقپان ايىنان بەرى جالعاسىپ جاتقان كورىنەدى. 1 -ناۋرىزدان باستاپ جىلداعى ءداستۇر بويىنشا پاۆلودارلىقتار جۇمىسقا ۇلتتىق كيىممەن بارىپ ءجۇر ەكەن.

جالپى، ءاز-ناۋرىزدا وبلىستا 250 گە جۋىق كيىز ءۇي تىگىلۋ جوسپارلانىپ وتىر.

اۆتور

ورالحان قوجانوۆ

سوڭعى جاڭالىقتار